Dyplamatyčny skandał spravakavała vykazvańnie premjer-ministra Izraila Bińjamina Netańjahu z nahody polskaha «zakonu ab Hałakoście», jaki vyklikaŭ burnyja dyskusii, pieradaje Radyjo Svaboda.
Premjer-ministar Polščy Matevuš Maraviecki admoviŭsia ad udziełu ŭ samicie Vyšahradskaj čaćviorki, jaki projdzie ŭ Jerusalimie na budučym tydni. Polšču na sustrečy lideraŭ čatyroch uschodnieeŭrapiejskich krainaŭ budzie pradstaŭlać kiraŭnik MZS Jacek Čaputovič. Pra heta ŭ niadzielu, 17 lutaha, paviedamiŭ pradstaŭnik polskaha ŭradu ŭ etery telekanału TVP.
Pryčynaj niezadavolenaści kiraŭnika polskaha ŭradu stali vykazvańni premjer-ministra Izrailu Bińjamina Netańjahu, zroblenyja im u Varšavie padčas mižnarodnaj kanferencyi pa prablemach Blizkaha Ŭschodu.
Izrailski žurnalist paprasiŭ Netańjahu prakamentavać pryniaty ŭ Polščy zakon, jaki praduhledžvaje štrafy i terminy da troch hadoŭ pazbaŭleńnia voli za publičnyja vykazvańni ab dačynieńni palakaŭ da Hałakostu ŭ hady Druhoj suśvietnaj vajny.
«Palaki supracoŭničali z nacystami, i ja nia viedaju nikoha, chto byŭ asudžany za takoje vykazvańnie», — zajaviŭ izrailski premjer.
Publikujučy spravazdaču ab pres-kanferencyi, sajt hazety Jerusalem Post pryvioŭ vykazvańnie premjer-ministra biez dvukośsia, vykarystoŭvajučy słovazłučeńnie «polski narod». Paźniej publikacyja była vypraŭlenaja, a ofis Netańjahu apublikavaŭ zajavu, što jaho słovy byli niapravilna vytłumačanyja.
Netańjahu, adznačajecca ŭ dakumencie, mieŭ na ŭvazie «asobnych palakaŭ, a nia polski narod i nia polskuju dziaržavu».
Kamientary