Parašenka kliča Zialenskaha razam zdavać analizy na narkotyki i ałkahol
U štabie kandydata ŭ prezidenty Ukrainy Piatra Parašenki zajavili, što Parašenka budzie čakać kandydata ŭ prezidenty Uładzimira Zialenskaha ranicaj 5 krasavika dla zdačy analizaŭ, u tym liku na ŭžyvańnie ałkaholu i narkotykaŭ.
Pra heta na bryfinhu 4 krasavika skazaŭ śpikier vybarčaha štaba Parašenki Aleh Miadźviedzieŭ.
«U ramkach padrychtoŭki da debataŭ, Piatro Parašenka zaŭtra ŭ 9:00 ranicy budzie čakać Uładzimira Zialenskaha ŭ miedycynskim punkcie stadyjona «Alimpijski» dla zdačy ŭsich nieabchodnych analizaŭ, u tym liku na pradmiet užyvańnia ałkaholu i narkotykaŭ», — skazaŭ Miadźviedzieŭ.
Pavodle jaho słoŭ, «heta pavinna być niezaležnaja ekśpiertyza siertyfikavanych łabaratoryj».
«Vyniki, jakija daduć hetyja analizy, jany, napeŭna, taksama važnyja dla vybarščykaŭ, vybarščyki pavinny viedać heta. Uładzimir Alaksandravič, Piotr Alaksiejevič čakaje Vas zaŭtra», — zajaviŭ palittechnołah i dadaŭ, što sustreča pavinna adbycca a 9-aj ranicy, tamu što, jak praviła, analizy zdajuć ranicaj.
Pa słovach Miadźviedzieva, kali Zialenskaha nie budzie, to Parašenka sam zdaść analizy i pajedzie pa spravach.
Nahadajem, raniej šoŭmien Zialenski vyklikaŭ Parašenku na stadyjon «Alimpijski», pakolki, na jaho dumku, debaty majuć adbycca pierad narodam Ukrainy. Taksama jon prapanavaŭ prajści kandydatam test na ałkahol i narkotyki.
U svaju čarhu Piatro Parašenka pahadziŭsia na prapanovu Zialenskaha.
Čytajcie taksama:
Zialenski prapanavaŭ Parašenku debaty na 70-tysiačnym stadyjonie ŭ centry Kijeva VIDEA
Parašenka — Zialenskamu: «Stadyjon, dyk stadyjon. Čakaju Vas, Uładzimir Alaksandravič» VIDEA
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary