Za atrymańnie chabaraŭ zatrymany rabotnik Respublikanskaha navukova-praktyčnaha centra dziciačaj ankałohii, hiematałohii i imunałohii, paviedamlaje Kamitet dziaržaŭnaha kantrolu.
Za 4 hady mužčyna atrymaŭ ad dyrektara zamiežnaj arhanizacyi, jakaja zajmajecca pastaŭkaj u Biełaruś tavaraŭ miedycynskaha pryznačeńnia, 30 tysiač dalaraŭ.
Hrošy rabotnik navukova-praktyčnaha centra braŭ za padrychtoŭku i padpisańnie techničnych zadańniaŭ, a taksama nakiravańnie zajavak na zakupku vyrabaŭ miedycynskaha pryznačeńnia, jakija pastaŭlajucca zamiežnaj arhanizacyjaj. Pry hetym, śćviardžajuć śledčyja, inicyjatyva atrymańnia chabaraŭ zychodziła ad rabotnika dziaržustanovy, a pamiery chabaraŭ składali kala 5% koštu vyrabaŭ, što pastaŭlalisia.
Usiaho zadakumientavana čatyry fakty atrymańnia chabaraŭ.
U dačynieńni da 59-hadovaha minčuka raspačata 4 kryminalnyja spravy pa č. 2 i 3 art. 430 (Atrymańnie chabaru) KK Biełarusi.
Padazravany zatrymany, jon pryznaŭsia ŭ złačynstvie, na jaho majomaść nakładzieny aryšt.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary