Raśsielhasnahlad vyjaviŭ 28 biełaruskich kampanij, jakija zajmalisia šerymi pastaŭkami žyviołahadoŭčaj pradukcyi. Pa dakumientach tavary adpraŭlali tranzitam u Kazachstan i Kyrhyzstan, adnak faktyčna jany zastavalisia ŭ Rasii, paviedamiła žurnalistam aficyjny pradstaŭnik Raśsielhasnahladu Julija Miełana.
Śpiecyjalisty słužby praanalizavali tranzitnyja pastaŭki ź Biełarusi praz Rasiju ŭ Kazachstan i Kyrhyzstan. Uvahu pryciahnuła chutkaść — kampanii paśpiavali advieźci pradukcyju ŭ Ałmaty i Biškiek za 2-5 sutak i viarnuć svoj transpart nazad u Biełaruś.
Adzin sa składoŭ z takimi tavarami znajšli ŭ Sankt-Pieciarburhu. Tam vyjavili 131 t małočnaj pradukcyi, jakaja pavinna była adpravicca ŭ Kyrhyzstan.
U jakaści pasiarednikaŭ-adpraŭnikoŭ pracavali 28 biełaruskich kampanij, u tym liku TAA «Tankviert». «Całkam vidavočna, što zasnavalniki kampanii nie vypadkova dali imia arhanizacyi, suhučnaje z proźviščam kiraŭnika Raśsielhasnahladu Siarhieja Dankvierta», — zajavili ŭ słužbie.
Paśla taho jak ułady Kazachstana i Kyrhyzstana nie paćvierdzili fakty dastaŭki tavaraŭ, kampanii-pasiaredniki spynili źniešnieekanamičnuju dziejnaść, adnak niekatoryja ź ich zasnavali novyja jurydyčnyja asoby i stali znoŭ pastaŭlać pradukcyju «fantomnym» atrymalnikam.
Dzieviać pradpryjemstvaŭ-vytvorcaŭ pačali vykarystoŭvać šeruju schiemu pastavak naŭprost, biez udziełu pasiarednikaŭ, adznačyli ŭ Raśsielhasnahladzie. Kab spynić takija pastaŭki i niezakonnuju dziejnaść transpartnych kampanij Raśsielhasnahlad źviarnuŭsia ŭ FSB i Mintrans.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary