Žančynu, padazravanuju ŭ zabojstvie niemaŭlaci 26-hadovaj daŭniny, znajšli miortvaj
U noč na 16 krasavika ŭ milicyju patelefanavaŭ žychar Baranavičaŭ i raskazaŭ, što padčas razmovy ź siastroj daviedaŭsia, što kaliści ŭ dvary jaho doma ich svajačka zakapała dzicia. Na miesca zdareńnia pryjechała śledča-apieratyŭnaja hrupa. Na miescy, jakoje pakazaŭ mužčyna, milicyjaniery vyjavili zakapanyja kaścianyja astanki niemaŭlaci, zahornutyja ŭ polietylenavy pakiet. Supracoŭniki kryminalnaha vyšuku Baranavickaha HAUS vyśvietlili maci dziciaci — heta 52-hadovaja žycharka Baranavič. Jana patłumačyła, što chłopčyka naradziła ŭ 1993 hodzie. Śledčym upraŭleńniem USK pa Bresckaj vobłaści ŭ dačynieńni da žančyny raspačata kryminalnaja sprava za zabojstva.
Pavodle infarmacyi Intex-press, žančyna, padazravanaja ŭ zabojstvie dziciaci, u 90-ch hadach była kvatarantkaj u domie, kala jakoha znajšli reštki.
Muž u viersiju zabojstva nie vieryŭ:
— Pa majoj pamiaci, u jaje vykidyš byŭ — naradziłasia dzicia miortvaje, a brat jaje jaho zakapaŭ. Mianie tam nie było. Pra zabojstva — heta niapraŭda. Chaj advakat i milicyja va ŭsim raźbirajucca, — raspavioŭ Intex-press mužčyna.
Dom, kala jakoha znajšli reštki dziciaci. Fota: Alaksandr Čorny.
Žančynu zatrymali, a praź niekalki dzion adpuścili ź IČU. Uviečary 22 krasavika jaje cieła znajšli ŭ techničnaj sažałcy ŭ Paŭnočnym mikrarajonie kala Ladovaha pałaca.
— Vidavočnych prykmiet hvałtoŭnaj śmierci na ciele vyjaŭlena nie było, pryznačana sudova-miedycynskaja ekśpiertyza. Pa fakcie vyjaŭleńnia cieła pravodzicca pravierka, — paviedamili Intex-press u Śledčym kamitecie.
U SK taksama patłumačyli, što, niahledziačy na hibiel padazravanaj, rasśledavańnie kryminalnaj spravy praciahvajecca.
— Reštki dziciaci potym pieradaduć svajakam dla pachavańnia, — adznačyŭ Dźmitryj Ivaniuk, aficyjny pradstaŭnik USK pa Bresckaj vobłaści.
Ciapier čytajuć
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki3
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary