Lider zimbabvijskaj apazicyi Morhan Cvanhiraj u sieradu ŭstupiŭ na pasadu premjer‑ministra krainy ŭ ramkach pahadnieńnia pra padzieł ułady z prezidentam Muhabe.
Tydzień tamu parłamient Zimbabve pryniaŭ kanstytucyjnuju papraŭku, jakaja adnaŭlaje pasadu kiraŭnika ŭrada.
U 1987 h. hetuju pasadu skasavaŭ Robiert Muhabe. Jon tady byŭ premjeram, ale pryznačyŭ siabie prezidentam.
Pry kancy sakavika 2008 h. u Zimbabve prajšli prezidenckija vybary. Partyja «Ruch za demakratyčnyja pieramieny» zajaviła pra pieramohu svajho kandydata — 56 hadovaha Morhana Ryčarda Cvanhiraja, u toj čas jak praviačaja partyjaj nastojvała na tym, što nivodny z kandydataŭ u pieršym tury nie nabraŭ nieabchodnaj dla pieramohi kolkaści hałasoŭ.
Tamtejšy Centrvybarkam naznačyŭ druhi tur, ale Cvanhiraj admoviŭsia ad ad dalejšaha ŭdziełu ŭ vybarach.
A ŭžo ŭ vieraśni Muhabe i lidery apazicyi padpisali pahadnieńnie pra padzieł ułady, u adpaviednaści ź jakim u krainie stvarajecca Ŭrad nacyjanalnaha adzinstva, a prezident krainy addaje častku paŭnamoctvaŭ apazicyi.
Zimbabve zaraz u hłybokim kryzisie. U lipieni inflacyja dasiahnuła rekordu ‑‑ 231 młn pracentaŭ u hadavym vyličeńni. U krainie nie chapaje charčavańnia i paliva, miljony hramadzian stali ŭciekačami. A niadaŭna na krainu zvaliłasia novaja biada — chalera. Pa roznych padlikach zachvareli ad niekalki tysiač da niekalki dziesiatkaŭ tysiač čałaviek
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary