Jość imaviernaść, što Uładzimir Pucin u 2020 hodzie pasprabuje «siłaj (choć nie kaniečnie vajskovaj) inkarparavać Biełaruś u Rasijskuju Fiederacyju i takim čynam stvaryć tak zvanuju sajuznuju dziaržavu z saboj u jakaści prezidenta», piša Styvien Błank u amierykanskim vydańni The Hill.
«Maskva ŭžo akazvaje vajskovy, miedyjny i ekanamičny cisk, — adznačaje analityk, — i nastojvaje na raźmiaščeńni ŭ Biełarusi vajskovaj bazy». Premjer-ministr Rasii Miadźviedzieŭ adkryta skazaŭ, što intehracyja, jak u Maskvie lubiać vyražacca, praduhledžvaje pieradaču častki suvierenitetu.
Biełaruś adreahavała antyrasijskimi demanstracyjami, žorstkimi vykazvańniami Alaksandra Łukašenki i navat zaprašeńniem NATA dałučycca da budučych manieŭraŭ, adznačaje Błank.
Z hledzišča Pucina Rasija — heta impieryja, a Biełaruś i Ukraina nijakija nie nacyi i pavinny być dałučanyja da Rasii ŭ ramkach kancepcyi «ruskaha śvietu».
«Sajuźniki Amieryki pavinny zrabić bolš, kab pakazać svaju padtrymku niezaležnaści, suvierenitetu i terytaryjalnaj cełasnaści Biełarusi», — piša Błank.
«Krytyki adznačajuć, što Biełaruś — heta apošniaja dyktatura Jeŭropy, — piša Błank, — i tamu nie zasłuhoŭvaje padtrymki. Ale addać Biełaruś na łasku Rasii naŭrad ci aznačaje palepšyć situacyju z pravami čałavieka i demakratyjaj u krainie. U toj ža čas pieradumova dla taho, kab Biełaruś u budučyni prymiryłasia ź Jeŭropaj i intehravałasia ŭ demakratyčnuju Jeŭropu, heta zachavańnie Biełaruśsiu niezaležnaści, suvierenitetu i ŭzmacnieńnie jaje pryviazki da Jeŭropy», — piša Błank i cytuje słovy Kisindžera, što dypłamatyja — heta «nazapašvańnie niuansaŭ».
Aŭtar zaklikaje dać Pucinu jasny sihnał, što ahresija ŭ Biełarusi niedapuščalnaja.
The Hill — heta vydańnie, blizkaje da Demakratyčnaj partyi. Metavaja aŭdytoryja jaho — členy Kanhresu ZŠA i ich koła.
-
Litoŭski błohier paskardziŭsia, što «Naša Niva» niapravilna pierakazała jaho dyjałoh sa Sparyšam. Kamisija pa etycy stała na bok «NN»
-
Statkievič: U 1917 hodzie pryncyp «Vojna do pobiednoho kanca» ŭžo pryvioŭ Rasiju da nacyjanalnaj katastrofy
-
«Ludzi bačyli, što raźbirajuć nie dreva, a parachno». Katalicki aktyvist zastupiŭsia za navahrudskich manašak
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary