Ёсць імавернасць, што Уладзімір Пуцін у 2020 годзе паспрабуе «сілай (хоць не канечне вайсковай) інкарпараваць Беларусь у Расійскую Федэрацыю і такім чынам стварыць так званую саюзную дзяржаву з сабой у якасці прэзідэнта», піша Стывен Бланк у амерыканскім выданні The Hill.
«Масква ўжо аказвае вайсковы, медыйны і эканамічны ціск, — адзначае аналітык, — і настойвае на размяшчэнні ў Беларусі вайсковай базы». Прэм'ер-міністр Расіі Мядзведзеў адкрыта сказаў, што інтэграцыя, як у Маскве любяць выражацца, прадугледжвае перадачу часткі суверэнітэту.
Беларусь адрэагавала антырасійскімі дэманстрацыямі, жорсткімі выказваннямі Аляксандра Лукашэнкі і нават запрашэннем НАТА далучыцца да будучых манеўраў, адзначае Бланк.
З гледзішча Пуціна Расія — гэта імперыя, а Беларусь і Украіна ніякія не нацыі і павінны быць далучаныя да Расіі ў рамках канцэпцыі «рускага свету».
«Саюзнікі Амерыкі павінны зрабіць больш, каб паказаць сваю падтрымку незалежнасці, суверэнітэту і тэрытарыяльнай цэласнасці Беларусі», — піша Бланк.
«Крытыкі адзначаюць, што Беларусь — гэта апошняя дыктатура Еўропы, — піша Бланк, — і таму не заслугоўвае падтрымкі. Але аддаць Беларусь на ласку Расіі наўрад ці азначае палепшыць сітуацыю з правамі чалавека і дэмакратыяй у краіне. У той жа час перадумова для таго, каб Беларусь у будучыні прымірылася з Еўропай і інтэгравалася ў дэмакратычную Еўропу, гэта захаванне Беларуссю незалежнасці, суверэнітэту і ўзмацненне яе прывязкі да Еўропы», — піша Бланк і цытуе словы Кісінджэра, што дыпламатыя — гэта «назапашванне нюансаў».
Аўтар заклікае даць Пуціну ясны сігнал, што агрэсія ў Беларусі недапушчальная.
The Hill — гэта выданне, блізкае да Дэмакратычнай партыі. Мэтавая аўдыторыя яго — члены Кангрэсу ЗША і іх кола.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары