Trahiedyja: letaś u dziaŭčyny pamior ad raku brat-vajskoviec, a ciapier u vojsku zahinuŭ muž
Dva dni tamu vajskoviec-kantraktnik Dźmitryj Hryckievič u Starych Darohach atrymaŭ ciažkuju traŭmu, kali sprabavaŭ zaskočyć na husieničnuju techniku. Adnu nahu zaciahnuła ŭ husienicu całkam, druhuju paškodziła.
Praź dzień Dźmitryj pamior u špitali.
U jaho zastałasia žonka Maryja i dvoje małych dziaciej, pa hodziku kožnamu.
Ale akazvajecca, što nad siamjoj nibyta niejki rok: brat Maryi — heta toj samy Michaił Ryštoŭski, jaki pamior ad ankałohii.
Čytajcie: 26-hadovy sałdat z Hrodzienščyny pamior ad raku, jaki raźviŭsia ŭ armii. Vyjavili jaho tolki na čaćviortaj stadyi. Chto vinavaty?
Čytajcie: «Pa rašeńni ministra hetaha sałdata nie adpravili dadomu, a lačyli» — u Minabarony prakamientavali situacyju z chvorym na rak sałdatam
U hetaj historyi svajaki vinavacili pryzyŭnuju kamisiju i daktaroŭ čaści, jakija nie zdoleli vyjavić chvarobu i lačyli sałdata prymityŭnymi tabletkami pry kankretnych skarhach.
Praŭda, kali chvaroba vyjaviłasia, pa rašeńni ministra Andreja Raŭkova chłopca lačyli ŭ najlepšym vajennym špitali, choć jurydyčna jon užo i nie byŭ vajennasłužačym. Nieŭzabavie jon pamior.
A dva hady tamu ŭ hetaj ža siamji chavali dzicia: rodny brat Dźmitryja Hryckieviča straciŭ adnahadovaha syna — siamja vinavaciła ŭ śmierci daktaroŭ.
Čytajcie: Śmierć dziciaci ŭ Niaśvižy: spačatku daktary niedaacanili surjoznaść, paśla reanimabil jechaŭ čatyry hadziny
I voś ciapier — śmierć muža. Jak heta ŭsio pieražyć 20-hadovaj žančynie?
«Jak my budziem bieź jaho žyć, ja nie viedaju, — skazała «Našaj Nivie» Maryja Hryckievič. — My zdymali tut kvateru, litaralna praz paru dzion mieli atrymać słužbovuju. Ja nie chaču vieryć, što heta jahonaja pamyłka — idzie śledstva. My ž kožnuju hadzinu zvanili daktaram, tyja supakojvali, što važnyja dla žyćcia orhany nie zakranutyja. Nu dumali, što, moža, biez noh budzie, chaj invalid, aby žyvy — niejak by vykrucilisia, a tut voś dali nadzieju i adrazu jana źnikła».
Dapamahčy siamji — Maryi i dzieciam, — možna pieravodam na kartu Biełarusbanka: 6711 7700 1395 7746, termin dziejańnia 12/20.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč33
Kamientary