Dziaržynskaja rajonnaja balnica padała ŭ sud na lidara kampanii «Havary praŭdu» Andreja Dźmitryjeva. Praces pačniecca 15 studzienia ŭ Dziaržynskim rajonnym sudzie, piša Jeŭraradyjo.
Padstavaj stali vystupy Dźmitryjeva padčas vybaraŭ u Pałatu pradstaŭnikoŭ u 2019 hodzie. U svaim televystupie palityk pakazaŭ fota abiedaŭ. Jon paviedamiŭ, što fatazdymki zroblenyja pacyjentami Dziaržynskaj lakarni i aburyŭsia kiepskaj jakaściu charčavańnia.
Ciapier administracyja lakarni padała na palityka ŭ sud. Pa jaho słovach, u lakarni admaŭlajuć, što heta fatazdymki ich abiedaŭ.
«Jany chočuć, kab ja skazaŭ, što tak nasamreč nie kormiać u Dziaržynskaj rajonaj lakarni, što tam nasamreč usio dobra z karmiožkaj», — raskazaŭ Dźmitryjeŭ u kamientary Jeŭraradyjo.
Sam palityk upeŭnieny ŭ svajoj słušnaści: «U nas jość dokazy, što heta mienavita fatahrafii ź Dziaržynskaj rajonnaj lakarni, i my ich pradastavim u sudzie».
Uvohule Dźmitryjeŭ ličyć, što sutnaść hetaha suda — u abyjakavym staŭleńni miedycynskich čynoŭnikaŭ da ludziej: «Ja liču, što heta historyja nie pra abiedy ci makarony, a pra łokšyny na vušach. Jany chočuć nam ich viešać, a my pavinny kazać: dziakuj, dziakuj, dziakuj! Pra heta była maja pramova. Jany pavinny da nas hodna stavicca. Ale ź inšaha boku, ja chacieŭ pakazać čynoŭnikam, što jany pavinny adkazvać za toje, što jany robiać».
-
Prapahandysty pakazali na niekalki siekund papierku ź imionami raniej vyzvalenych palitviaźniaŭ. Što za ludzi ŭ hetym śpisie?
-
Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie
-
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Kamientary