Raspačaŭsia zbor srodkaŭ na śviatkavańnie Dnia Voli — 2020. Ale adznačeńnie maje adbycca na try dni raniej
Arhkamitet pa praviadzieńni śviatkavańnia 102-ch uhodkaŭ abviaščeńnia BNR, u jaki ŭvachodzić BSDP, AHP, chryścijanskija demakraty i ruch «Za svabodu», abviaščaje pra pačatak zboru srodkaŭ dla arhanizacyi mitynha-kancerta ŭ stalicy. Zbor srodkaŭ budzie adbyvacca na kraŭdfandynhavaj płatformie MOLAMOLA
Arhanizatary majuć namier pravieści mierapryjemstva u niadzielu 22-ha sakavika napiaredadni śviatočnaj daty, bo 25 sakavika ŭ hetym hodzie vypadaje na sieradu.
Čas i miesca mitynha-kancerta buduć vyznačany kančatkova paśla pieramovaŭ ź minskim harvykankamam.
Składajecca prahrama mierapryjemstva, vyrašajecca pytańnie techničnaha asnaščeńnia placoŭki, a taksama iduć pieramovy z muzyčnymi hurtami.
Taksama arhkamitet zaklikaje dałučacca da arhanizacyi mitynha-kancerta vałancioraŭ, jakija žadajuć dapamahčy ŭ praviadzieńni śviatočnaha mierapryjemstva.
Arhanizatary prosiać vysyłać svaje prapanovy nakont łahatypu Dnia Voli-102 da 15 lutaha na adras [email protected]. Paśla hetaj daty arhkamitet vyznačyć pad jakim łahatypam budzie adbyvacca mierapryjemstva.
Adznačajecca, što ŭ arhkamitet pa śviatkavańni BNR-102 uvachodzić bolšaść arhanizacyj-zajaŭnikaŭ kancerta kala opiernaha teatra ŭ Minsku ŭ 2018 h. i arhanizatary mitynha-kancerta ŭ Kijeŭskim skviery ŭ Minsku ŭ 2019 h.
Kamientary