Čatyrnaccacihadovaja biełaruska Liza Miśnikava vystupiła ŭ polskim telešou The Voice Kids. Jana praśpiavała pieśniu Aryjany Hrande Break Free i raźviarnuła kresły dvaich trenieraŭ: dueta Tomson&Baron i Cleo, adznačaje sb.by.
Akazałasia, pradstaŭnica našaj krainy na dziciačym konkursie pieśni «Jeŭrabačańnie-2019» vielmi lubić Polšču, da taho ž, u jaje jość polskija karani. Mama dziaŭčynki Taćciana ŭ intervju telekanału TVP 2 raspaviała:
— Maje babula i dziadula byli palakami i da 1939 hoda žyli na terytoryi, jakaja spačatku naležała Polščy, a potym stała biełaruskaj. Niejak my pryjechali ŭ Varšavu, i Liza skazała: «Mam, a ŭ Polščy taksama niešta jość «Hołas. Dzieci» — davaj pasprabujem».
Pierad vychadam na scenu Lizavieta pryznałasia, što vielmi lubić Varšavu:
— Mnie lahčej razmaŭlać pa-rusku, ale ciapier starajusia vyvučyć polskuju. Kali ŭ mianie pytajucca, chto ja pa nacyjanalnaści, zaŭsiody kažu: biełaruska i trochi polka. Ja vielmi časta pryjazdžaju siudy, lublu chadzić pa pryhožych vulicach.
Paśla niadoŭhich rozdumaŭ biełaruskaja vakalistka vyrašyła dałučycca da kamandy Tomson&Baron. Za kadram jany raspaviali:
— Liza — prykład taho, što polski The Voice Kids nie maje terytaryjalnych miežaŭ.
Polski The Voice Kids tranślujecca na telekanale TVP 2 užo treci hod. U hetym siezonie kresły trenieraŭ zaniali śpiavak David Kviatkoŭski, śpiavačka Cleo i duet Tomson&Baron.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary