Stała mahčyma nabyvać kryptavalutu i ličbavyja aktyvy pa-biełarusku — na Currency.com
Źjaviłasia biełaruskamoŭnaja viersija płatformy dla handlu kryptavalutaj i ličbavymi aktyvami Currency.com. Heta pieršaja ŭ śviecie biełaruskamoŭnaja kryptabirža.
Kab skarystacca biełaruskamoŭnaj viersijaj płatformy, treba zarehistravacca ŭ sistemie, u jakoj budzie mahčymaść abrać movu intefiejsu. U najbližejšy čas raspracoŭščyki płanujuć dadać biełaruskuju movu ŭ mabilny dadatak.
U čym jaje admietnaść, akramia movy? Tut možna invieściravać jak u bitkoiny i kryptavaluty, hetak i ŭ tradycyjnyja rynki — tokien-akcyi roznych kampanij (u tym liku i biełaruskich), ablihacyi, fondavyja indeksy, biržavyja tavary (naprykład, naftu ci zołata). Takaja birža 2.0, jakaja ŭličvaje mahčymaści sučasnych technałohij.
Darečy, dachod ad apieracyj z kryptavalutami i tokienami, zhodna ź biełaruskim zakanadaŭstvam, da 2023 h. nie abkładajecca padachodnym padatkam. Ciapier płatforma zabiaśpiečvaje dostup bolš čym da 1300 ličbavych aktyvaŭ, ale ŭ budučym ich kolkaść vyraście da 10 tysiač.
Tut možna adsačyć kurs samych papularnych kryptavalut, košt akcyj Tesla, Facebook, Amazon i EPAM. A taksama pačytać apošnija finansavyja naviny i analityku pa temie, aznajomicca z raskładam ekanamičnych padziej i tarhoŭ na najbližejšyja dni. Dla navičkoŭ jość asobny raździeł, u jakim tłumačacca praviły trejdzinhu.
Birža apracoŭvaje da 50 miljonaŭ apieracyj u siekundu. Jana prymaje płaciažy ź luboha banka jak u biełaruskich rublach, tak i ŭ dalarach i jeŭra. Minimalnaja suma depazitu, kab pačać hulać na rynku kryptavalut, — 0,002 bitkoina (kala $17).
Što da biaśpieki, to ŭsia infarmacyja z čataŭ, a taksama piersanalnyja danyja klijentaŭ šyfrujucca i abaraniajucca. Hrošy karystalnikaŭ zachoŭvajucca na bankaŭskim rachunku, jaki całkam izalavany ad apieracyjnaha rachunku servisu.
Płatforma maje mabilny dadatak, kab pravodzić apieracyi i adsočvać situacyju na tarhach było zručna ŭ luby čas. Jon dastupny dla Android i iOS.
Servis Currency.com zasnavała adnajmiennaja kampanija — rezident PVT. Akramia ofisa ŭ Minsku, u ich jość pradstaŭnictva ŭ Łondanie i Hibrałtary. Ale płatforma rehulujecca ŭ Biełarusi — usia sprava ŭ tym, što ŭ nas jość admysłovaja zakanadaŭčaja baza, adaptavanaja pad kryptavaluty (słavuty «ličbavy dekret»).
Kamientary