«Zrabić usio mahčymaje». Washington Post zaklikała dapamahčy Biełarusi vystajać suprać Rasii
«Choć Łukašenku nielha nazvać pryvabnym dla Zachadu partnioram, jaho sproby zachavać svaju krainu zasłuhoŭvajuć padtrymki», — piša The Washington Post u svaim redakcyjnym kamientary.
Upłyvovaje amierykanskaje vydańnie zaklikała ZŠA i Jeŭrasajuz dapamahčy Biełarusi ŭ vypadku mahčymaha razryvu z Rasiejaj.
Pucin ciaham dvaccaci hadoŭ marna sprabavaŭ ustalavać kantrol nad postsavieckimi krainami pry dapamozie cisku, falsifikacyj, prapahandy, kibiervojnaŭ i interviencyj, jak u vypadkach Ukrainy i Hruzii. Pucin sprabuje zmusić Łukašenku vykanać sajuznaje pahadnieńnie dvaccacihadovaj daŭniny, jakoje «pieratvaryła b Biełaruś u pravincyju». Miž tym Łukašenka, piša vydańnie, nie choča stać «apošnim prezidentam Biełarusi».
Hazieta piša, što vybary ŭ Biełarusi falsifikujucca, a pratesty brutalna dušacca, ale, miarkujuć aŭtary, ciapierašni cisk Pucina moža źmianić palityku Łukašenki.
«Rasijski lidar spyniŭ pastaŭki subsidyjavanaj nafty, vielmi važnaj dla biełaruskaj ekanomiki, i zapatrabavaŭ vykanać zamarožanuju sajuznuju damovu, — piša vydańnie. — Padčas sustrečy ŭ piatnicu spadar Pucin čarhovy raz admoviŭ Łukašenku ŭ źnižkach na naftu i haz. Kali hetaja pazicyja nie źmienicca, biełaruskaja ekanomika moža surjozna paciarpieć: piatuju častku jaje ekspartu składajuć pierapracavanyja pradukty tannaj rasiejskaj nafty».
«Spadar Łukašenka zrabiŭ vyhlad, nibyta jon supraćstaić rasijskamu cisku, kupiŭšy tankier nafty z Narviehii. A dziaržaŭny sakratar Majk Pampea zrabiŭ vyhlad, nibyta dapamahaje jamu, naviedaŭšy Miensk 1 lutaha. Pampea abiacaŭ, što administracyja Trampa pryznačyć novaha pasła ŭ Biełarusi, i zapeŭniŭ Łukašenku: «Našy vytvorcy enierhii hatovyja pastavić 100% nafty, jakaja vam patrebnaja, pa kankurentnych cenach».
The Washington Post zaścierahaje, što pastaŭki nafty z ZŠA nie kampiensujuć Biełarusi stratu rasijskich datacyj.
«Naadvarot, spadaru Łukašenku treba budzie vybirać: abo zdacca Pucinu, abo prynamsi zrabić kroki ŭ kirunku šokavaj terapii dla ekanomiki, što dazvolić vyzvalić jaje z-pad rasiejskaj zaležnaści. I ŭ vypadku, kali jon vybiera apošni scenar, Złučanyja Štaty i Jeŭrasajuz pavinny zrabić usio mahčymaje, kab ablehčyć bol, pry hetym nie spyniajučy patrabavać palapšeńnia situacyi z pravami čałavieka».
Ciapier čytajuć
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki3
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary