U Kitai pamierła prykładna 4% usich zaražanych karanavirusam. U Paŭdniovaj Karei — kala 1%. Čamu ž u Italii na siońnia na 17660 čałaviek zaražanych pamierła až 1266 čałaviek, abo 7%?
Hetaja ličba, chutčej za ŭsio, śviedčyć, što ŭ Italii vializnaja kolkaść niaŭličanych vypadkaŭ zaražeńnia. Sychodziačy ź ličby śmierciaŭ, realnaja kolkaść vypadkaŭ na Apieninskim paŭvostravie moža składać 60-80 tysiač. Takoje padazreńnie paćviardžajecca i tym, što ŭ krainach, dzie pravodzicca masavaje teściravańnie, siarod ludziej, jakija viarnulisia ź Italii, vyznačyli vialikuju kolkaść zaražanych.
Reč u tym, što i Kitaj, i Paŭdniovaja Kareja pajšli šlacham masavaha vyjaŭleńnia nośbitaŭ, kolkaść testaŭ na dušu nasielnictva tam hihanckaja.
U Karei ludziej, jakija mahli zarazicca, vyjaŭlali z dapamohaj prahladu zapisaŭ kamier videanazirańnia, rasšyfroŭki źviestak pieramiaščeńnia sim-kart i h. d. I tym samym zmahli izalavać, adsiačy patencyjnych nośbitaŭ.
Vyšejšaja śmiarotnaść u Kitai tłumačycca tym, što na pieršym etapie tam chvarobu sprabavali chavać, a taksama horšym stanam miedycyny ŭ Kitai proci Karei.
Viadoma, nielha vyklučać, što virus muciravaŭ i jaho italjanskaja admiena bolš niebiaśpiečnaja za kitajskuju, ale heta małaimavierna.
Italjanskaja miedycyna niakiepskaja navat pa jeŭrapiejskim uzroŭni. I zabiaśpiečanaść aparaturaj reanimacyi, štučnaha dychańnia tam taksama vysokaja. Adnak u situacyi, kali adbyŭsia rezki raspaŭsiud virusa pacyjentam, jaki ŭ siaredzinie lutaha ŭchiliŭsia ad špitalizacyi, situacyja vyrvałasia z-pad kantrolu. Darečy, toj samy pacyjent 1 u maleńkim italjanskim horadzie Łodzi zaŭčora viarnuŭsia ŭ prytomnaść, pieršym jaho pytańniem było «Dzie ja?». Jon zastajecca ŭ reanimacyi.
Daktary zastajucca pry svaim prahnozie. U raźvitaj krainie pry paśpiachovym strymlivańni epidemii Covid-19 śmiarotnaść moža składać kala 1% ad zaražanych. Pry horšym scenary (bolš zaražeńniaŭ adrazu) śmiarotnaść moža składać kala 2%. Ale, jak pakazvaje prykład Kitaja, Irana, Italii, pry nieracyjanalnym padychodzie hramadstva moža zapłacić strašny košt.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary