Adrezali ad Łomacia

KDB i MUS praciahvajuć vajavać z Kamitetam dziaržkantrolu. Novyja hučnyja aryšty.

Na minułym tydni stała viadoma, što Alaksandr Łukašenka vyrašyŭ praciahnuć jašče na piać hadoŭ znachodžańnie na dziaržaŭnaj słužbie staršyni KDK Zianona Łomacia.

Adnačasova z hetym MUS i KDB pačali realizacyju apieratyŭnych mierapryjemstvaŭ nakont słužbovych asobaŭ KDK. U vyniku adzin za adnym byli zatrymanyja spačatku načalnik adździaleńnia arhanizacyi apieratyŭna‑vyšukovaj dziejnaści UDFR KDK RB pa Minskaj vobłaści i h.Minsku, a potym načalnik Pinskaha mižrajadździeła UDFR KDK pa Bresckaj vobłaści.

Jak viadoma, staršyni KDK Zianonu Łomaciu ŭžo spoŭniłasia 65 hadoŭ, a značyć, jon dasiahnuŭ piensijnaha ŭzrostu i pavinien vyzvalić miesca bolš maładomu pierajemniku.

Adnak užo ŭ lutym u Administracyju prezidenta pajšli dakumienty na pryznačeńnie namieśnikam staršyni KDK Viktara Pisaryka, jaki ciapier zajmaje pasadu daradcy Z.Łomacia. Paśla hetaha ŭ MUS i KDB zachvalavalisia.

Bo V.Pisaryk, niahledziačy na toje što zajmaje ŭsiaho tolki pasadu daradcy, pa sutnaści źjaŭlajecca druhim čałaviekam u KDK.

Pieršym svojeasablivy padarunak Z.Łomaciu zrabiła MUS, jakoje praviało vielmi paśpiachovuju apieracyju pa vyjaŭleńni atrymańnia chabaru čałaviekam, jaki adkazvaje za apieratyŭnuju rabotu Upraŭleńnia DFR KDK pa Minskaj vobłaści i h.Minsku. Pryčym redki vypadak: apieracyja była ździejśniena tak prafiesijna, što apieratyŭnikam Upraŭleńnia pa baraćbie z ekanamičnymi złačynstvami UUS Minabłvykankama śpiarša ŭdałosia ŭziać pasiarednikaŭ, a potym praź ich z dapamohaj Hałoŭnaha ŭpraŭleńnia apieratyŭna‑vyšukovaj dziejnaści vyjści na atrymalnika chabaru.

Jak raspaviali ŭ prakuratury Minskaj vobłaści, 19 sakavika na terytoryi spartyŭnaj bazy Fiederacyi prafsajuzaŭ byŭ zatrymany namieśnik dyrektara AAT «Taryfkrembud», jaki padbivaŭ dvuch biznesoŭcaŭ da davańnia 10 tys. dalaraŭ słužbovym asobam UDFR KDK pa Minskaj vobłaści i h.Minsku. Pry atrymańni 8 tys. dalaraŭ pasiarednik byŭ zatrymany. Ź im stali surjozna pracavać, u vyniku čaho atrymali zhodu na ŭdzieł u dalejšych apieratyŭna‑vyšukovych mierapryjemstvach. A dalej ŭsio prajšło pryhoža, možna navat skazać, kłasična.

Na nastupny dzień kala budynku UDFR pa Minskaj vobłaści i h.Minsku pa vuł.P.Broŭki pra atrymańni 8 tys. dalaraŭ byŭ zatrymany major Andrej Kaśjanaŭ, jaki zajmaje pasadu načalnika arhanizacyi ARD u paznačanym ŭpraŭleńni. Byccam hrošy jon atrymaŭ za ździajśnieńnie zahadzia niezakonnych dziejańniaŭ pa vyrašeńni pytańni ab spynieńni kryminalnaha pieraśledu adnosna dvuch minskich biznesoŭcaŭ. Usiu apieracyju azmročyła tolki adno: na momant pieradačy hrošaj materyjały adnosna biznesoŭcaŭ pajšli ŭ prakuraturu, a značyć, A.Kaśjanaŭ užo nie mieŭ mahčymaści prymać pa ich rašeńni. Tym nie mienš prakuratura Minskaj vobłaści raspačała suprać zatrymanaha kryminalnuju spravu pa č.2 art.430 KK RB (atrymańnie chabaru ŭ bujnym pamiery).

Historyja z aryštam načalnika Pinskaha mižrajadździełu UDFR pa Bresckaj vobłaści achutana tajamnicaj. Viadoma tolki, što pa im apieratyŭnyja mierapryjemstvy pravodzili supracoŭniki KDB. Nibyta načalniku adździełu pradjavili abvinavačvańnie pa adnym z samych ciažkich artykułaŭ Kryminalnaha kodeksu ‑‑ 285 (stvareńnie złačynnaj arhanizacyi albo ŭdzieł u joj).

To, što ciapier adbyvajecca pamiž MUS, KDB i KDK, — heta baraćba siłavikoŭ za śfiery ŭpłyvu.

• 0
• 0
• 0
• 0
• 0
• 0
• 0
• 0