Capkała patłumačyŭ, čamu idzie na vybary: 10 hod biez raźvićcia, my nie bačym pierśpiektyŭ
Eks-kiraŭnik PVT, patencyjny kandydat u prezidenty Valeryj Capkała pravodzić siońnia pieršuju pres-kanfierencyju.
«Čamu ja pajšoŭ na vybary? Apošnija 10 hod, my bačym, jak burna raście śviet, jak raście ekanomika ZŠA, jak raście ekanomika krain ES. Kaniečnie, Hrecyja, Partuhalija vyraśli nie tak značna, ale Polšča, Čechija dasiahnuli kałasalnych pośpiechaŭ», — skazaŭ jon.
«My bačyli, jak druhoj ekanomikaj śvietu stała ekanomika Kitaja. 10 hod tamu tam byŭ siaredni zarobak 380 dalaraŭ, a zaraz — 800 dalaraŭ, u samaj biednaj pravincyi — 240 dalaraŭ. Ja nie kažu pra ekanomiku Sinhapura.
A ŭ Biełarusi VUP nie tolki nie pavialičyŭsia, a navat upaŭ z 60 da 59 młrd dalaraŭ. Za 10 hod u nas pavialičyŭsia tolki źniešni doŭh, da 17 młrd. 10 hod biez raźvićcia, i samaje hałoŭnaje, što niama pierśpiektyŭ, niama zaŭtrašniaha dnia, i heta samaja vialikaja prablema.
Narod moža ŭsio ściarpieć, ale jon pavinien bačyć metu. Hod 20 tamu Biełaruś mieła samy vialiki patencyjał, u nas VUP byŭ paraŭnalny z Čechijaj, a siońnia VUP Čechii ŭ 4 razy bolšy.
20 hod tamu palaki vyvozili ŭsio ŭ nas. Polšča była vielmi biednaj krainaj, a zaraz usio naadvarot. Nam treba madernizacyja ŭsich abłaściej, u tym liku pramysłovaści», — skazaŭ Capkała.
U jaho inicyjatyŭnuju hrupu ŭvachodzić 784 čałavieki. Siońnia startavaŭ zbor podpisaŭ.
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary