«Jon prosta na mianie ŭpaŭ». Mužčyna patłumačyŭ, čamu akuratna pakłaŭ na ziamlu milicyjanta ŭ Hrodnie
Mužčynam u skuranoj kurtcy, jaki padčas patasoŭki ŭ Hrodnie 29 maja pakłaŭ na ziamlu milicyjanta, akazaŭsia aktyvist Ja. («Svabodzie» viadomaje sapraŭdnaje imia haradzienca). Jon raskazaŭ «Svabodzie», što adbyłosia padčas pikieta, dzie byŭ zatrymany Siarhiej Cichanoŭski. Hetamu papiaredničali ahresiŭnyja pavodziny nieviadomaj žančyny, jakaja chapała Cichanoŭskaha za vopratku.
«Pa zakonie jany [milicyjanty] pavinnyja byli adciaśnić hetuju žančynu-pravakatara, ale jany čamuści pačali chapać Siarhieja za ruki. My sprabavali ich adciaśnić ad Siarhieja», — raskazvaje Ja. pra momant pierad tym, jak zdaryłasia patasoŭka na płoščy i Cichanoŭskaha zatrymali.
Aktyvist paćvierdziŭ, što jon akuratna pakłaŭ milicyjanta na ziamlu.
«Jon prosta na mianie ŭpaŭ, a ja jaho ŭžo padchapiŭ adpaviedna, kab nie dać čałavieku ŭdarycca ab niešta», — patłumačyŭ haradzieniec.
Posmotritie eto vidieo nieskolko raz i vy uviditie, kak nieiźviestnyj mužčina v kožanoj kurtkie akkuratno układyvajet milicioniera na asfalt.
Bieriežno. Kak syna. pic.twitter.com/QwA9DkdBaE
— Ci ja pravilna razumieju, što milicyjant sam upaŭ na vas?
— Tak, vy pravilna zrazumieli. Kali jon padaŭ na mianie, ja prosta jaho padchapiŭ. Nijakaj bojki tam nasamreč nie było, — adkazaŭ mužčyna.
Pravakacyja ŭ Hrodnie: AMAP zatrymaŭ Cichanoŭskaha VIDEA
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary