Pravaabarončyja i hramadskija arhanizacyi zapatrabavali nieadkładnaje vyzvaleńnie Paŭła Sieviarynca
Fota Nadziei Bužan
Biełaruskija pravaabarončyja arhanizacyi vystupili z supolnaj zajavaj, u jakoj patrabujuć nieadkładnaje vyzvaleńnie Paŭła Sieviarynca, jaki pryznany palitviaźniem.
Pavieł znachodzicca za kratami ad 7 červienia. Jamu niekalki razoŭ dali pa 15 sutak, taksama za im jość nieadbytyja sutki za śniežańskija akcyi pratestu. Na volu, pry najhoršym scenary, jon moža vyjści nie raniej za 21 žniŭnia.
«My ŭ čarhovy raz adznačajem, što takoha kštałtu praktyka prymianieńnia normaŭ KaAP źjaŭlajecca zahannaj, maje palityčna matyvavany charaktar, užyvajecca z metaj akazańnia cisku, pakarańnia za publičnuju hramadskuju dziejnaść i izalacyi Paŭła Sieviarynca na ŭvieś pieryjad vybarčaj kampanii», — havorycca ŭ zajavie.
Pravaabaroncy źviartajuć uvahu na infarmacyju pra žorstkaje i biesčałaviečnaje abychodžańnie, jakomu padviarhajecca ŭ CIP Pavieł Sieviaryniec.
«Aktyvista nieadnarazova źmiaščali ŭ štrafny izalatar bieź ciopłaj vopratki i asabistych rečaŭ, dzie praź nizkija tempieratury ŭnačy jon nie moh spać, a ŭdzień, kali nary padymajucca i zamacoŭvajucca da ściany, uvieś čas vymušany siadzieć na nievialikim zedliku. Jaho nie vyvodziać na prahułki i ŭ duš, praciahły čas nie prymali pieradačy ad rodnych i dahetul nie dapuskajuć da jaho advakata», — havorycca ŭ zajavie.
My, pradstaŭniki biełaruskich pravaabarončych arhanizacyj, vykazvajem svoj pratest z nahody palityčnaha pieraśledu i aryštu palitviaźnia Paŭła Sieviarynca i patrabujem:
- admieny vyniesienych u dačynieńni da Paŭła Sieviarynca pastanoŭ suda ab pryciahnieńni jaho da administracyjnaj adkaznaści za arhanizacyju ci ŭdzieł u mirnych schodach i nieadkładnaha jahonaha vyzvaleńnia;
- nieadkładnaha vyzvaleńnia ŭsich palitviaźniaŭ, jakija adbyvajuć administracyjnyja aryšty za realizacyju svabody mirnych schodaŭ i vykazvańnia svajho mierkavańnia;
- praviadzieńnia pravierki i pakarańnia ŭsich vinavatych u prymianieńni katavańniaŭ i žorstkaha, biesčałaviečnaha abychodžańnia ŭ dačynieńni da Paŭła Sieviarynca i inšych aryštavanych;
Taksama zaklikajem urad Biełarusi da vykanańnia ŭsich dobraachvotna ŭziatych na siabie mižnarodnych abaviazacielstvaŭ u halinie pravoŭ čałavieka, u tym liku ab niedapuščeńni katavańniaŭ i inšych žorstkich i biesčałaviečnych vidaŭ abychodžańnia.
Pad zajavaj padpisalisia:
— Pravaabarončy centr «Viasna»;
— RPHA «Biełaruski Chielsinkski Kamitet»;
— Biełaruskaja asacyjacyja žurnalistaŭ»;
— Biełaruski dakumientacyjny centr»;
— Ofis pa pravach ludziej ź invalidnaściu;
— Centr pravavoj transfarmacyi Lawtrend;
— RHA «Pravavaja inicyjatyva»;
— tavarystva «Inicyjatyva Forb»;
— inicyjatyŭnaja hrupa «Identyčnaść i prava»;
— Kansultacyjny centr pa aktualnych mižnarodnych praktykach i ich implemientacyi ŭ pravie «Chjuman Kanstanta»;
— Asambleja niaŭradavych demakratyčnych arhanizacyj;
— Biełaruski dom pravoŭ čałavieka imia Barysa Zvozskava;
— Biełaruski Pen-centr.
Kamientary