Žury Biełaruskaj asacyjacyi žurnalistaŭ praanalizavała bolš za paŭsotni žurnalisckich ad 25 aŭtaraŭ biełaruskich ŚMI i nazvała najlepšych za 2008 hod.
Žury tvorčaha konkursu HA «BAŽ» «Volnaje słova» praanalizavała bolš za paŭsotni žurnalisckich materyjałaŭ ad 25 aŭtaraŭ biełaruskich ŚMI i nazvała najlepšych za 2008 hod.
U naminacyi «Najlepšaja analityčnaja publikacyja» pieramahła recenzija «Kamiedyja vyradžeńnia» Alaksandra Fiaduty na kupałaŭskuju pastanoŭku Mikałaja Pinihina «Pinskaja šlachta» pa adnajmiennym tvory V. Dunina‑Marcinkieviča.
«U «Pinskaj šlachcie« Pinihin pastaviŭ dyjahnaz», — piša sp. Fiaduta.
«Vysakarodnyja rycary pazvadzilisia da paŭpjanych mužykoŭ, jakija biarucca za hrudki pry najmienšym padazreńni ŭ niepavazie da svajoj persony. Viera źviałasia: handlary nia tolki asieli ŭ chramach, ale i pačali dyktavać śviataram źmiest kazańniaŭ. Navat paezija źviałasia: na źmienu hienijalnamu «Panu Tadevušu« pryjšło ŭbohaje «Vialikaje Kniastva«, jakoje zahadana pryznavać za paetyčny šedeŭr pad stracham być abvinavačanym u supracoŭnictvie z rasiejskimi i nacyjanalnymi specsłužbami. Trahiedyja Adradžeńnia pieraŭtvaryłasia ŭ Kamedyju Vyradžeńnia z usimi nastupstvami, jakija vyciakajuć dla vyradžanaha narodu. Trahičnymi nastupstvami», — stavić svoj dyjahnaz sp. Fiaduta.
U naminacyi «Najlepšaja publikacyja litaraturna‑mastackaha žanru ŭ žurnalistycy» pieršaje miesca ŭziaŭ narys «Adnahodak BNR» žurnalista Siamiona Piečanko.
Hieroj narysu Uładzimir Lalkoŭ raspaviadaje pra svoj šmatpakutny los. Jon syn praviednika śvietu, «vorah narodu», u vajnu jon byŭ dyrektaram himnazii ŭ Marjinaj Horcy, za što adsiedzieŭ u Incie amal dziesiać hadoŭ.
Siarod inšych pieramožcaŭ sioletniaha konkursu — Hleb Łabadzienka z «Kamsamołki», Rusłan Harbačoŭ z «Inteks-presu» (Baranavičy), Volha Prudnikava z «Narodnaj voli».
Pryjemna, što aŭtary NN siarod pieramožcaŭ — druhi hod zapar. Za 2007 hod Vital Taras byŭ pryznany aŭtaram najlepšaje analityčnaje publikacyi, Siamion Piečanko — litaraturna-mastackaje, a Źmicier Pankaviec — najlepšym debiutantam.
Premija «Volnaje słova» — svojeasablivaja Pulitcerskaja premija biełaruskaj niezaležnaj žurnalistyki.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary