U pryvatnaści, miarkujecca adradzić žyllova-budaŭničyja kaapieratyvy.
U pryvatnaści, miarkujecca adradzić žyllova-budaŭničyja kaapieratyvy.
Nacbank padvodziŭ vyniki dziejnaści za pieršyja čatyry miesiacy hetaha hodu. Prakapovič pačaŭ ź niehatyvu. Jon kanstatavaŭ źnižeńnie ekspartu biełaruskaj pradukcyi i źmianšeńnie valutnaj vyručki – na 40 i 45 pracentaŭ adpaviedna za čatyry miesiacy hetaha hodu ŭ paraŭnańni z anałahičnym letašnim pieryjadam. Zapavoliŭsia i rost VUP – 101 pracent suprać 111 letašnich.
Što da biełaruskaha rubla, to Nacbank ćvierdzić pra jaho stabilnaść.
Kurs našaha rubla da valutnaha košyku skłaŭ 960 rubloŭ, što ŭ studzieni, što ŭ krasaviku.
Kalidor vahańnia koštu košyku zamiežnych valutaŭ pierahladać nie płanujecca, prynamsi ŭ druhim kvartale. «My nie prymajem paradaŭ [MVF] pavialičyć devalvacyju i pašyryć kalidor vahańniaŭ kursa da 10‑15 pracentaŭ», — skazaŭ kiraŭnik Nacbanku.
Adzin ź sioletnich pryjarytetaŭ pracy Nacbanku – žyllo. Ciapier
Nacbank rychtuje prahramu spryjańnia budaŭnictvu žytła, jakaja budzie padadzienaja na razhlad Łukašenku.Siarod prapanovaŭ – palepšyć umovy dla lhotnaha kredytavańnia.
Dla žycharoŭ bujnych haradoŭ, što čakajuć kvatery ŭ čarzie, płanujecca pavialičyć terminy vydačy ilhotnych kredytaŭ da 30 hod, a žycharam nievialikich miastečak źnizić pracentnyja staŭki pa lhotnym kredytavańni z 3% da 1%.
Piotr Prakopovič taksama prapanuje viarnucca da savieckich formaŭ žyllova‑budaŭničych kaaapieratyvaŭ.
«My vierniemsia ŭ saviecki čas, kali pradpryjemstvy stvarali žyllova‑budaŭničyja kaapieratyvy i kalektyvy indyvidualnych zabudoŭščykaŭ i budavali žyllo z udziełam svaich rabotnikaŭ, tych, jakija i atrymlivali kvatery ŭ hetych damach», — skazaŭ Prakapovič.
Prakapovič dapuściŭ, što ŭvosień kredyty mohuć stać tańniejšymi.
U trecim kvartale mahčymaje źnižeńnie staŭki refinsavańnia pry toj ŭmovie, što siaredniamiesiačnaja inflacyja nie pieravysić adzin pracent.Pakul ža bankam zahadana źnižać staŭki pa valutnych depazitach — da 1 červienia da 8 %. Heta dazvolić źnizić i kredytavańnie ŭ zamiežnaj valucie. Datyčna depazitaŭ u biełaruskich rublach nijakich abmiežavańniaŭ niama.
Kiraŭnik Nacbanku ličyć, što ZŠA i Rasija ŭ adroźnieńni ad Biełarusi «mohuć dazvolić siabie žartavać z ekanomikaj». «Złučanyja Štaty mohuć nadrukavać dalary i addać usim, vam i nam, my schopim i budziem na ich pracavać. Rasija moža pradać naftu i haz, kali ceny padvysiacca dy vyrašyć svaje prablemy. A my nie pavinny dapuścić kryzisnych źjaŭ», — skazaŭ Prakapovič.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary