21 traŭnia ŭ Pres‑centry Doma presy adbyŭsia «kruhły stoł» pa temie: «Spadčyna Biełarusi: miery pa zachavańni pomnikaŭ historyi i kultury». Natalla Chvir, zahadčyca siekataram achovy historyka‑kulturnaj spadčyny Ministerstva kultury, adznačyła na im: «Infarmacyi pra ŭklučeńnie pomnika Leninu ŭ śpis historyka‑kulturnaj spadčyny UNESCO u Ministertsva kultury nie pastupała. Heta navat niemahčyma z toj pryčyny, što ŭžo vyznačany pieralik takich abjektaŭ. Pryjazdžali mižnarodnyja ekśpierty. U nas jość śpis abjektaŭ, na jakija abłvykankamy buduć rychtavać dakumienty. Što tyčycca horada Minska, to heta centralnaja častka praśpiekta Niezaležnaści».
Było zadadziena i pytańnie pra Lubanskuju sinahohu, jakuju źnieśli, a na jaje miescy paŭstanie handlovy centr.«Sinahoha ŭ Lubani nie ŭvachodziła ŭ dziaržaŭny śpis historyka‑kulturnaj spadčyny. Nie była ŭklučana i ŭ miascovyja śpisy. Rašeńnie adnosna budynka prymali miascovyja ŭłady. Hety abjekt pad achovaj dziaržavy nie znachodziŭsia», — skazała Natalla Chvir.
Načalnik adździełu siektaru achovy ustanoŭ kultury i mastactva ŭpraŭleńnia kultury Minabłvykankama Valancina Makarava patłumačyła heta tym, što «u 1950‑60‑ch hadach hety abjekt byŭ całkam pierabudavany. Jon nie ŭjaŭlaŭ histaryčnuju kaštoŭnaść. My viedajem, što isnuje takoje miesca, što isnavała sinahoha, pra heta raspaviadajecca ŭ turystyčnych maršrutach, jakija pravodziacca Lubanskim muziejem narodnaj słavy. Na žal, jak abjekt architektury jon nie zachavaŭsia».
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku25
Kamientary