Prezident Rasii nazvaŭ niedapuščalnymi z punktu hledžańnia dypłamatyčnaj etyki vykazvańni na adras pradstaŭnikoŭ rasiejskaha kiraŭnictva, jakija dazvoliŭ sabie kiraŭnik adnoj z krainaŭ — bližejšych partnioraŭ Rasii.
Prezident Rasii nazvaŭ niedapuščalnymi z punktu hledžańnia dypłamatyčnaj etyki vykazvańni na adras pradstaŭnikoŭ rasiejskaha kiraŭnictva, jakija dazvoliŭ sabie kiraŭnik adnoj z krainaŭ — bližejšych partnioraŭ Rasii.
Pavodle «RIA Novosti», kiraŭnik Rasiei na naradzie pa ekanamičnych pytańniach zajaviŭ: «My aktyŭna pa-partniorsku pracujem z našymi bližejšymi susiedziami, dapamahajem im u pieraadoleńni kryzisnych źjaŭ, u tym liku finansami, i niemałymi finansami. Inšy raz heta supravadžajecca nieabchodnaściu kamientavać ekanamičnuju situacyju ŭ hetych krainach».
Jon padkreśliŭ, što ŭ Rasiei «nikoli nie dazvalali i nia buduć dazvalać sabie asabistych charaktarystyk adnosna kiraŭnikoŭ inšych krain. Chacia my mahli b skazać što-niebudź adnosna efiektyŭnaści ekanamičnych zachadaŭ, jakija imi robiacca, čamu jany źviartajucca da nas pa dapamohu, padtrymku. Liču, što z punktu hledžańnia dypłamatyčnaj etyki heta nieprymalna, i raźličvaju, što takuju ž pazicyju zojmuć i našy bližejšyja partniory».
A.Łukašenka ŭ piatnicu niervova adreahavaŭ na vykazvańni Alaksieja Kudryna, jaki zajaviŭ, što Biełaruś nabliziłasia da miažy niepłatazdolnaści, dy źviazaŭ vydzialeńnie Miensku apošniaj tranšy rasiejskaha kredytu pamieram u 500 miljonaŭ dalaraŭ z antykryzisnymi dziejańniami biełaruskaha ŭradu. Łukašenka zajaviŭ, što Kudryn «całkam kansalidavaŭsia z našymi admarozkami, jakija tut na zachodnija hrošy viakajuć i pačynajuć vučyć pracavać». Jon zahadaŭ biełaruskamu ŭradu «nia kłaniacca pierad Rasiejaj i šukać ščaścia ŭ inšaj častcy płaniety».
Kamientary