Sioleta ŭ Mahilovie mieŭsia prajści tradycyjny mižnarodny fiestyval duchoŭnaj muzyki «Mahutny Boža». Apošnim časam fiestyval ładziŭsia raz na dva hady, papiaredni prajšoŭ u mai 2019 hodzie.
Zvyčajna mierapryjemstva prachodziła viasnoj ci letam, adnak da 30 žniŭnia infarmacyi pra fiestyval tak i nie źjaviłasia.
Adnak na hety hod fiestyval nie zapłanavany, piša katolik.life. Pra pryčynu admieny arhanizatary ničoha nie zmahli paviedamić.
«Mahutny Boža» pravodziŭsia z 1993 hoda, jaho metami staviłasia adradžeńnie duchoŭnaj kultury na chryścijanskim padmurku, abjadnańnie i ŭzajemnaje duchoŭnaje ŭzbahačeńnie z dapamohaj muzyki. Mierapryjemstva abjadnoŭvała bolš za 900 salistaŭ i tvorčych kalektyvaŭ z roznych krain.
U prahramie byli konkursy vakalistaŭ i charavych kalektyvaŭ, duchoŭnyja śpiektakli, śviata zvonavaj muzyki, kancertnyja vystupleńni. Taksama ładzilisia kanfierencyi, na jakich abmiarkoŭvalisia aktualnyja pytańni relihii i vieravyznańnia, uzajemadziejańnia carkvy i dziaržavy.
Fiestyval nazvany pa vieršu «Mahutny Boža» Natalli Arsieńnievaj, jaki loh u asnovu biełaruskaha duchoŭnaha himna. Adnak u apošnija miesiacy vierš vyklikaŭ krytyku ŭ praŭładnych kołach.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2121
Kamientary