Kaliści Iryna Vajkievič čakała Jaŭhiena z kałonii, dzie jon adbyvaŭ termin za bojku. A ciapier byłyja sužency nie mohuć padzialić dzicia.
U pary naradziŭsia syn Lea, ale letaś siamja raspałasia — i pačalisia sudy za prava bačycca ź dziciem. Jaŭhien raskazaŭ svaju viersiju ŭ TikTok, a Iryna stała hierainiaj vypusku ANT «Jašče nie viečar», jaki vyjšaŭ u sakaviku, piša kanał «Viciebsk, ja hulaju!».
Jašče ŭ piatnicu Jaŭhien radavaŭsia pieramozie: Minski abłasny sud dazvoliŭ jamu zabirać syna nie tolki ź viečara niadzieli, ale ŭžo ź viečara suboty — da ranicy paniadziełka. Błohier zajaviŭ, što ščaślivy, choć spyniacca nie źbirajecca i pojdzie ŭ Viarchoŭny sud.
Ale ŭžo ŭ subotu jon paviedamiŭ, što ŭ najbližejšy čas syna nie ŭbačyć. Jaŭhien napisaŭ, što mužčyna, jaki nibyta pahražaŭ jamu z telefona byłoj žonki, apynuŭsia ŭ balnicy: «Prabačcie, što tak atrymałasia, ale ja bajaŭsia, što mianie zabjuć». Pavodle słoŭ kamientataraŭ, paśla suda adbyłasia panažoŭščyna: paciarpiełaha špitalizavali, a Jaŭhiena mahli zatrymać.
Iryna apublikavała svaju viersiju padziej. Jana raskazvaje, što były muž zabraŭ dzicia ź dziciačaha sadka ŭ niedazvoleny jamu sudom čas. A zatym pry sprobie zabrać u jaho dzicia paraniŭ nažom mužčynu.
Kamientary