Imavierny supiernik BATE ŭ nastupnym raŭndzie Lihi čempijonaŭ - «Vientśpiłs»

Losavańnie treciaha kvalifikacyjnaha raŭndu Lihi čempijonaŭ prajšło 17 lipienia ŭ šviejcarskim Ńjonie.

Pieramožca pary BATE / «Makiedonija» ŭ hetym raŭndzie sustreniecca z macniejšaj kamandaj dvuboju «Vientśpiłs» (Łatvija) / «Diudziełanž» (Luksiemburh).

U pieršym matčy łatvijskaja kamanda pieramahła «Dziudziełanž» doma ź likam 3:0, i šancy luksiemburžcaŭ mizernyja.

BATE, nahadajem, u pieršym matčy vyjhraŭ u haściach u «Makiedonii» ź likam 2:0. Matč u adkaz projdzie ŭ aŭtorak u Barysavie.

Matčy treciaha raŭndu adbuducca 28‑29 lipienia i 4‑5 žniŭnia. U vypadku vychadu BATE ŭ hety raŭnd pieršy matč my praviadziom u haściach.

Pramych aŭtobusaŭ da Vientśpiłsa niama, ale voś da Ryhi dajechać dosyć tanna - 88 tys. rubloŭ. Jechać 12 hadzin. Aŭtobusy adpraŭlajucca try razy na dzień.

Kłub «Vientśpiłs» zasnavany ŭ 1997 h. Trochrazovy čempijon Łatvii (2006, 2007, 2008).

Darečy, horad Vientśpiłs, što znachodzicca na paŭnočnym zachadzie Łatvii i maje nasielnictva ŭ 44 tys. žycharoŭ - horad-pabracim Navapołacka. Asnoŭnaja forma futbolnaha kłuba - žoŭta-sinija, jak i ŭ BATE. Stadyjon źmiaščaje tolki 3 200 hledačoŭ.

***

Z kamandami Łatvii biełaruskija kłuby sustrakalisia trojčy:

u 1998 h. minskaje «Dynama» ŭ pieršym raŭndzie Lihi čempijonaŭ prajhrała «Skonta» z Ryhi — 1:2, 0:0;

u 2007 h. «Dynama» uziało ŭ ryžan revanš tolki ŭžo u 1‑m raŭndzie Kubku UEFA (2:0, 1:1), u tym ža hodzie ŭ 1‑m kvalifikacyjnym raŭndzie Kubku UEFA bresckaje «Dynama» sastupiła lijepajskamu «Mietałurhu» (1:2, 1:1).

***

Taksama zaznačym, što ŭ 3-m kvalifikacyjnym raŭndzie Lihi čempijonaŭ pražskaja «Słavija», za jakuju vystupaje biełarus Vital Trubiła, zhulaje ź pieramožcam pary «Inter» (Turku, Finlandyja) / «Šeryf» (Ciraspal, Małdova). «Šeryf» treniruje biełaruski śpiecyjalist Leanid Kučuk, a hulaje ŭ składzie kamandy Ihar Karpovič. «Šeryf» u pieršym matčy vyjhraŭ u «Intera» u haściach ź likam 1:0.

Kazachski «Aktabe», za jaki hulaje Andrej Łaŭryk, zhulaje ŭ 3-m raŭndzie z «Makabi» (Chajfa). «Aktabe» u pieršym matčy 2-ha raŭndu vyjhraŭ u «Chafnaf́jordziura» 4:0, a «Makabi» - u paŭnočnairłansdkaha «Hlentarana» - 6:0.

***

Siońnia taksama prajšło losavańnie 3-ha kvalifikacyjnaha raŭndu Lihi Jeŭropy.

Pieramožca pary «Naftan» Navapołack / «Hient» sustreniecca ź italjanskaj «Romaj».

Pieršy matč 30 lipienia, matč u adkaz - 6 žniŭnia.

Nahadajem, ŭčora, 16 lipienia, u pieršym matčy 2-ha kvailifikacyjnaha raŭndu «Naftan» vyjhraŭ u Viciebsku ŭ «Hienta» ź likam 2:1. Vyrašalny matč - 23 lipienia ŭ Bielhii.

Pieramožca pary «Mietałurh» Danieck - MTZ-RIPA Minsk zhulaje ŭ 3-m raŭndzie z «Interbłokam» (Lublana, Słavienija). 16 lipienia minčuki prajhrali ŭ Daniecku ź likam 0:3. Matč u adkaz u biełaruskaj stalicy projdzie 23 lipienia.

Pieramožca pary «Dynama» Minsk - «Tramsio» (Narviehija) zhulaje ŭ 3-m raŭndzie ź pieramožcam pary «Miłano» (Makiedonija) / «Słavien» Karpivnica (Charvatyja).

Učora ŭ Minsku u matčy «Dynama» - «Tramsio» była zafiksavana ničyja 0:0. A charvaty ŭ haściach pieramahli makiedonski kłub ź likam 4:0.

• 0
• 0
• 0
• 0
• 0
• 0
• 0
• 0