Pra heta zajaviŭ hałoŭny trenier zbornaj Biełarusi na pres‑kanfierencyi ŭ Minsku.
«Kab vyjhrać u charvataŭ, treba vykłaścisia bolš čym na 100 pracentaŭ», — zajaviŭ hałoŭny trenier zbornaj Biełarusi pa futbole Biernd Štanhie na pres‑kanfierencyi ŭ Minsku 10 žniŭnia.
«Heta budzie cudoŭnaja hulnia z udziełam vialikaj kolkaści zorak; vielmi važnaja dla abiedźviuch kamand, jakija zmahajucca za druhoje miesca ŭ adboračnaj hrupie. U nas jość dobry šans zachavać intryhu», — adznačyŭ Štanhie.
Pavodle słoŭ treniera, kamanda hatova da hulni. Surjoznych traŭm niama, supiernik vyvučany dobra. «U charvataŭ jość słabyja miescy, ale pra heta havaryć siońnia nielha. My budziem imknucca imi skarystacca», — skazaŭ Štanhie.
Jon adznačyŭ, što adčuvaje cisk pierad matčam, bo fanaty čakajuć pośpiechu. «Ale splu ja dobra, majo sumleńnie čystaje, adkrytych pytańniaŭ niama. Usio budzie vyrašacca na poli», — zajaviŭ trenier.
Adkazvajučy na pytańnie, ci budzie ničyja dobrym vynikam, Štanhie adznačyŭ: «Ź mižnarodnaha punktu hledžańnia z takoj kamandaj — dobry vynik, ale doma my pavinny vyjhravać. Ja nie mahu kazać, što my chočam zhulać uničyju: heta vielmi niebiaśpiečna».
Adboračny matč čempijanatu śvietu Biełaruś — Charvatyja projdzie 12 žniŭnia na minskim stadyjonie«Dynama». Pačatak u 21.15.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary