Aleś Bialacki zajaviŭ, što z hetaha «budzie śmiajacca ŭvieś śviet».
Na pracesie ŭ Viarchoŭnym sudzie Biełarusi pradstaŭnica prakuratury paprasiła adchilić skarhu na admovu Ministerstva justycyi ŭ rehistracyi hramadskaha pravaabarončaha abjadnańnia «Naša viasna».
Nahadajem, pravaabaroncy Aleś Bialacki, Uładzimir Łabkovič i Valancin Stefanovič nakiravali skarhu ŭ Viarchoŭny sud na Ministerstva justycyi, jakoje admoviła ŭ rehistracyi «Našaj viasny». Razhlad spravy pačaŭsia 10 žniŭnia.
Prakuror padtrymała pretenzii Ministerstva justycyi, jakoje paličyła, što ŭ padadzienym na rehistracyju śpisie pra čatyroch z 71 zasnavalnikaŭ abjadnańnia ŭkazanyja niedakładnyja źviestki. Taksama prakuror paličyła, što harantyjny list adnosna jurydyčnaha adrasa nielha pryznać jurydyčna značnym.
Zajaŭniki adznačyli, što prakuror nie spasłałasia ŭ svaim vystupie na nivodzin narmatyŭna‑pravavy akt.
Aleś Bialacki zajaviŭ u sudzie, što pretenzii Ministerstva justycyi demanstrujuć «krajni farmalizm i biurakratyzm» i z hetaha «budzie śmiajacca ŭvieś śviet».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary