«Kidok manhusta». Siońniašnija videa kiraŭnikoŭ «DNR» i «ŁNR» ab evakuacyi nasielnictva ŭ Rasiju byli zapisanyja dva dni tamu
Kiraŭniki samazvanych «ŁNR» i «DNR» Leanid Pasiečnik i Dzianis Pušylin zapisali svaje videa zajavy ab evakuacyi žycharoŭ Danbasa ŭ Rasieju jašče 16 lutaha, heta značyć za dva dni da abvastreńnia situacyi. Pra heta ŭ Facebook pieršaj napisała ŭkrainskaja žurnalistka Iryna Ramalijskaja, publikujučy ŭ paćvierdžańnie svaich słoŭ skryny.
«Vierchavod łuhanskich bajevikoŭ Leanid Pasiečnik zaklikaje žycharoŭ h. zv. «ŁNR» evakuiravacca ŭ Rasiju. Jahony videazvarot publikujuć resursy bajevikoŭ. My zapampavali. Mietadadzienyja pakazvajuć, što stvorana heta videa jašče 16 lutaha. Nie siońnia. Nie terminova. Zahadzia rychtavali, — adznačyła žurnalistka. — Takaja ž historyja i sa zvarotam Pušylina».
Cikavaść vyklikaje taksama nazva papki na kampjutary, ź jakoj byŭ zahružany adzin sa zvarotaŭ: «Brosok manhusta». Vielmi nahadvaje nazvu vajennaj apieracyi.
U zapisanym, jak vynikaje, jašče ŭ sieradu zvarocie Pušylina havorycca, što rasijskija ŭłady hatovyja pryniać uciekačoŭ. Adnak adrazu paśla jaho publikacyi ŭ piatnicu rasijskija čynoŭniki nie kamientavali sytuacyju, robiačy vyhlad, što im ničoha nie viadoma ab evakuacyi.
Paźniej ułady Rastoŭskaj vobłaści paviedamili ab padrychtoŭcy łahieraŭ dla ŭciekačoŭ, a prezident Rasii Uładzimir Pucin paabiacaŭ kožnamu ź ich pa 10 tysiač rasijskich rubloŭ.
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier11
Kamientary