Maje namier pradstavić «Biełaruśfilm» na Bierlinskim kinafiestyvali.
Jak paviedamiła BiełaPAN pres‑sakratar kinastudyi Valancina Bielakova, heta psichałahičnaja drama «Vaŭki» režysiora Alaksandra Kołbyšava pa matyvach adnajmiennaj apovieści Alaksandra Čakmianiova.
Dziejańnie filma adbyvajecca ŭ paślavajennyja hady. Zimoj z ešałona z asobymi źniavolenymi ŭciakaje adzin z etapavanych Kirył Palatajeŭ. Prabirajučysia skroź zaśniežany les, jon dabirajecca da rodnaj vioski. Adnak nie ŭsie jaje žychary hatovy pryniać byłoha adnaviaskoŭca: na jaho ładziać sapraŭdnaje palavańnie. Znajomyja Palatajeva dapamahajuć jamu ŭciačy ŭ les, dzie vyratavany ad ludziej‑vaŭkoŭ jon natykajecca na zhraju sapraŭdnych vaŭkoŭ. U filmie źnialisia Andrej Panin, Dźmitryj Uljanaŭ, Uładzimir Haściuchin.
Pavodle słoŭ Bielakovaj, źniaty čarnavy varyjant karciny, praca nad joju zavieršycca da 15 kastryčnika. Adnak, zaznačyła pres‑sakratar, užo ciapier biełaruskija kinakrytyki ličać, što film «Vaŭki» moža brać udzieł u samych roznych mižnarodnych fiestyvalach vyšejšaha ŭzroŭniu.
Jak paviedamiła Bielakova, na «Biełaruśfilmie» stvaryli śpiecyjalnuju rabočuju hrupu dla padrychtoŭki ŭsich nieabchodnych dakumientaŭ dla ŭdziełu ŭ Bierlinale. Sumiesna z režysioram i zdymačnaj hrupaj jana raspačała subtytravańnie karciny na anhlijskaj i niamieckaj movach, što źjaŭlajecca adnoj z hałoŭnych umoŭ fiestyvalu.
U najbližejšym časie kinastudyja źvierniecca ŭ Ministerstva zamiežnych spraŭ i pasolstva Hiermanii z prośbaj ab sadziejničańni ŭ vyrašeńni arhanizacyjnych pytańniaŭ, źviazanych z pradstaŭleńniem karciny na Bierlinskim kinafiestyvali. Da 31 kastryčnika film i ŭsie nieabchodnyja materyjały pavinny być nakiravany ŭ arhkamitet Bierlinale.
Kamientary