Na Čarnabajeŭskaj ptuškafabrycy ŭ ukrainskaj Chiersonskaj vobłaści zahinuli bolš za čatyry miljony kurej. Adbyłosia heta paśla taho, jak rasijskija vajskoŭcy vyvieli sa stroju miascovuju elektrastancyju, paviedamlaje hazieta The Wall Street Journal.
Praz adsutnaść elektryčnaści pierastała pracavać aŭtamatyzavanaja sistema karmleńnia ptušak, što i stała pryčynaj ich hibieli.
Čarnabajeŭskaja ptuškafabryka — najbujniejšaja ŭ Jeŭropie. Jana znachodzicca na terytoryi, jakuju akupavali rasijskija vojski jašče 26 lutaha.
Rabočyja sprabavali naładzić dastaŭku kormu niahledziačy ni na što, ale mašyny z hruzam traplali pad rasijskija abstreły. Tady dziela biaśpieki ludziej pastaŭki musili ŭvohule spynić.
Na fabrycy pryniali rašeńnie razdać astatnija 1,45 miljona jajek i 90 tysiač kurej supracoŭnikam pradpryjemstva i susiednim fiermam.
Raniej paviedamlałasia, što rasijskija vojski z momantu paŭnamaštabnaha ŭvarvańnia na terytoryju Ukrainy źniščyli nie mienš za šeść zbožžaschoviščaŭ.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary