Tamu histaryčnaja ahulnaść, jakaja sfarmavałasia za tysiačahodździ našaj ahulnaj historyi», nie moža być razburanaja pavodle voli asobnych palitykaŭ.
Patryjarch Maskoŭski i ŭsioj Rusi miarkuje, što rasijanie i ŭkraincy pa-raniejšamu abjadnanyja adnymi kaštoŭnaściami, niahledziačy na palityčnyja padzieły, a tamu źjaŭlajucca adnym narodam.
«Ja zrazumieŭ (paśla naviedvańnia Ukrainy), što z hledzišča bazisnych kaštoŭnaściej my – adzin narod. Kaniečnie, z etničnaha hledzišča, z hledzišča movy možna kazać (pra adroźnieńni), i ja nie ŭvachodžu ŭ palemiku z navukoŭcami, ale ŭ płanie bazisnych kaštoŭnaściej my – adno cełaje», – skazaŭ patryjarch na sustrečy z hramadskaściu Archanhielska ŭ haradskim dramatyčnym teatry.
Pavodle jaho słovaŭ, «luby ŭdumlivy palityk u Rasii, i Ukrainie nie moža ihnaravać hety fakt». Jon taksama adznačyŭ,
što «histaryčnaja ahulnaść, jakaja sfarmavałasia za tysiačahodździ našaj ahulnaj historyi», nie moža być razburanaja pavodle voli asobnych palitykaŭ.
U toj ža čas patryjarch padkreśliŭ važnaść pavahi pryncypu suvierenitetu jak Rasii, tak i Ukrainy ŭ dvuchbakovych stasunkach krain. Ale pavodle jaho słovaŭ, lubyja sproby zrabić raskoł pamiž rasijanami i ŭkraincami «nieadkładna robiać hłybokija padzieły ŭunutry samoj Ukrainy».
Z 24 pa 26 vieraśnia patryjarch Kiryła źbirajecca naviedać Biełaruś.
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku16
Kamientary