Tak, 25 žniŭnia ŭ vyniku DTZ zahinuli vosiem i byli paranieny 24 čałavieki, 26 žniŭnia — dzieviać i 22 adpaviedna.
Apošnimi dniami ŭ Biełarusi nazirajecca rost kolkaści zahinułych i paranienych u darožna‑transpartnych zdareńniach, u tym liku dziaciej.
Tak, 25 žniŭnia ŭ vyniku DTZ zahinuli vosiem i byli paranieny 24 čałavieki, 26 žniŭnia — dzieviać i 22 adpaviedna. Pry hetym za minułyja sutki zahinuła adno dzicia i troje dziaciej traŭmavanyja.
Takuju situacyju va ŭpraŭleńni Dziaržaŭtainśpiekcyi MUS Biełarusi BiełaPAN patłumačyli pavyšanaj intensiŭnaściu ruchu ŭ haradach i za ich miežami ŭ suviazi z zaviaršeńniem pieryjadu vodpuskaŭ, pačatkam navučalnaha hoda.
Ludzi viartajucca z adpačynku časta rassłablenymi, jany ihnarujuć elemientarnyja normy biaśpieki, u tym liku i pa pieravozcy dziaciej.
Prykładam tamu źjaŭlajecca DTZ, jakoje adbyłosia viečaram 26 žniŭnia ŭ Viciebsku. 23‑hadovy vadziciel «Žyhuloŭ», jaki raniej nieadnarazova pryciahvaŭsia da administracyjnaj adkaznaści za parušeńnie PDR, u stanie ałkaholnaha apjanieńnia vyjechaŭ za miežy prajeznaj častki i ŭdaryŭsia ŭ aśviatlalnuju mačtu. U vyniku jaho spadarožnica atrymała ranieńni i špitalizavana, a jaje dvuchhadovaja dačka pamierła ad traŭmaŭ. Dziaŭčynka znachodziłasia ŭ aŭtamabili biez utrymlivajučaha prystasavańnia.
U Dziatłaŭskim rajonie Hrodzienskaj vobłaści na darozie Lida — Słonim 59‑hadovy žychar Maładziečna na «Žyhulach» sutyknuŭsia z hruzavikom, jaki jechaŭ napieradzie. U vyniku 13‑hadovaja dačka vadziciela, što była ŭ lehkavoj aŭtamašynie, atrymała traŭmy.
U adnoj ź viosak u Mahiloŭskim rajonie 43‑hadovy vadziciel «Forda» ŭčyniŭ najezd na trochhadovuju dziaŭčynku, jakaja raptoŭna vybiehła na prajeznuju častku. Dzicia špitalizavana.
U Hrodnie 39‑hadovy miascovy žychar pierakuliŭsia na skutery. Dziesiacihadovaja dziaŭčynka, jakaja jechała ź im, atrymała traŭmy.
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku23
Kamientary