«Heta palityčna niemahčyma». Jeŭropa nie budzie vazić ukrainskaje zbožža praź Biełaruś
Jeŭrakamisija zaćvierdziła płan dapamohi Ukrainie pa vyvazie da lipienia biahučaha hoda nie mienš za 20 młn tonaŭ zbožža. Varyjant dastaŭki zbožžavych praź Biełaruś byŭ adchileny. Jeŭrakamisija ličyć nieabchodnym stvaryć łahistyčnyja kalidory i pavialičyć prapusknuju zdolnaść marskich partoŭ, kab dapamahčy Ukrainie vyvieźci zbožža, zajaviŭ delehavany Litvoj jeŭrakamisar Virhinius Sinkiavičus. Pra heta paviedamlaje hazieta «Biełorusy i rynok».
«Mahčymaść pieravozki zbožža ŭ Kłajpiedski port praź Biełaruś nie razhladajecca», — adznačyŭ Sinkiavičus.
«Heta palityčna niemahčyma: jak harantavać, što zbožža, jakoje pastupaje z Ukrainy, patrapić u Kłajpiedu, a nie ŭ jaki-niebudź rasijski port», — dadaŭ jon.
Na dumku Sinkiavičusa, pierš za ŭsio pryjarytet pavinien addavacca ciahnikam, jakija buduć iści ź pieravałačnych stancyj u marskija party Jeŭrasajuza. Pavinny stvaracca łahistyčnyja kalidory, a ŭ marskich partach musiać zabiaśpiečvacca maksimalna vialikija mahutnaści dla vyvazu ŭkrainskaha ŭradžaju na rynki zbytu.
Raniej ministr transpartu Litvy Marus Skuodzis kazaŭ, što jość tolki dva realnyja šlachi vyvazu zbožža z Ukrainy: razbłakavać z dapamohaj mižnarodnych strukturaŭ ukrainskija party abo stvaryć humanitarny kalidor dla pravozu hruzaŭ praź Biełaruś.
Skuodzis prapanoŭvaŭ vykarystoŭvać tuju infrastrukturu, jakaja jość — heta pieravozki zbožža praź Biełaruś, što dazvoliła b zadziejničać usie mahutnaści Kłajpiedskaha porta, a taksama mahutnaści partoŭ Łatvii i Estonii. Ale ciapier heta, jak vyhladaje, stała ŭžo nieaktualnym.
Čytajcie taksama:
Litva prapanuje stvareńnie humanitarnaha kalidora praź Biełaruś dla vyvazu ŭkrainskaha ziernia
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku29
Kamientary