ISW: Rasijskija ŭłady sutykajucca z supracivam žycharoŭ zachoplenych terytoryj
Amierykanski instytut vyvučeńnia vajny (ISW) vypuściŭ zvodku na 15 červienia, u jakoj adznačaje, što apošnija sutki rasijskija vojski praciahvali kancentravacca na abarončych apieracyjach u ramkach padrychtoŭki da patencyjnych kontratak USU na poŭdni Ukrainy.
Jak paviedamlajecca, u zachoplenaj častcy Zaparožskaj vobłaści jany pravodziać dadatkovuju pierahrupoŭku: umacoŭvajuć pazicyi ŭ Dnieprarudnym technikaj z Kryma i pierahrupoŭvajucca ŭ rajonie Vasiljeŭki dla padtrymki apieracyj na linii Vasiljeŭka — Arechava — Hulajpole.
«Hienštab Ukrainy zajaviŭ, što rasijskija vojski dadatkova razharnuli kompleks radyjoelektronnaj baraćby ŭ Mielitopali, jaki, vierahodna, budzie spryjać ich abarončaj prysutnaści ŭ Zaparožžy i supraćstajać praciahu dziejańniaŭ partyzan», — skazana ŭ zvodcy.
U Mikałajeŭskaj vobłaści ŭkrainskija siły zachoŭvajuć pad svaim kantrolem krytyčna važny ŭčastak bierahavoj linii Ačakava i, mahčyma, mohuć pierakryć šlach rasijskim karablam, jakija majuć namier uzmacnić kantrol nad dostupam u čarnamorskija party.
Akramia taho, adznačaje instytut, rasijskija ŭłady praciahvajuć sutykacca ź ciažkaściami ŭ realizacyi svaich prahram na akupavanych terytoryjach.
Tak, 9 i 11 červienia ŭ Maryupali nieviadomyja ŭkrainskija partyzany praśledavali supracoŭnikaŭ MNS Rasii.
Adkryćcio škoł u akupavanym Biardziansku ŭskładniajecca z-za supracivu ŭkrainskich nastaŭnikaŭ, jakija admaŭlajucca vykładać pa rasijskich prahramach.
Takija praŭkrainskija dziejańni, chutčej za ŭsio, praciahnuć zaminać namahańniam Rasii ŭ kansalidacyi administracyjnaha kantrolu nad akupavanymi terytoryjami i płanam rasijskaj anieksii, paviedamlaje Instytut.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary