Viarchoŭnaja Rada Ukrainy padtrymała zabaronu na ŭvoz knih z Rasii i Biełarusi
Viarchoŭnaja Rada padtrymała zabaronu na impart i raspaŭsiudžvańnie knih i inšaj vydavieckaj pradukcyi z Rasii, Biełarusi i akupavanych Rasijaj terytoryj Ukrainy, paviedamiŭ narodny deputat Jarasłaŭ Žalaźniak u svaim tielehram-kanale. «Za» vykazalisia 306 deputataŭ.
U tłumačalnaj zapiscy, apublikavanaj na sajcie Rady, havorycca, što va ŭmovach uzbrojenaj ahresii Rasii Ukraina abaviazanaja abaranić svaju kulturna-infarmacyjnuju prastoru ad rasijskaj prapahandy i niehatyŭnaha ŭpłyvu Rasii.
«U pryvatnaści, heta tyčycca śfiery ŭkrainskaha knihavydańnia i kniharaspaŭsiudu, na abaronu jakoj ad upłyvaŭ «ruskaha śvietu» nakiravany hety zakonaprajekt», — adznačajuć aŭtary.
Dla ŭvozu vydańniaŭ, vydadzienych na ruskaj movie, ź inšych krain, treba budzie atrymlivać admysłovy dazvoł. Zabaraniajecca vypusk, uvoz, raspaŭsiud va Ukrainie knižnych vydańniaŭ, jakija źmiaščajuć tvory aŭtaraŭ — hramadzian Rasii.
Zabarona nie budzie raspaŭsiudžvacca na knihi, vydadzienyja va Ukrainie da 1 studzienia 2023 hoda.
Kamientary