U BDU vystaŭlajuć unikalnyja fatahrafii pačatku XX stahodździa. Ich usio žyćcio rabiŭ pravasłaŭny śviatar
Fotavystava «Repartaž ź minułaha stahodździa» z unikalnymi plonačnymi fatahrafijami protaijereja Paŭła Vałynceviča adkryjecca 28 listapada ŭ Biełaruskim dziaržaŭnym univiersitecie (vuł. Kalvaryjskaja, 9, choł 5-ha paviercha). Hetaja histaryčna kaštoŭnaja kalekcyja fota adlustroŭvaje chroniku žyćcia i pobytu biełarusaŭ ad pačatku i da siaredziny XX stahodździa, piša «Źviazda».
Aŭtar fotazdymkaŭ — protaijerej Pavieł Vałyncevič. Jon byŭ pravasłaŭnym śviatarom, słužyŭ 65 hadoŭ, a taksama zajmaŭsia aśvietnickaj dziejnaściu.
Naradziŭsia jon u miastečku Vialikaja Bierastavica na Hrodzienščynie. U 1897 hodzie skončyŭ Vilenskuju duchoŭnuju sieminaryju, a ŭ 1899-m staŭ probaščam Pietrapaŭłaŭskaha chrama ŭ siale Kasuta ŭ Vilejskim rajonie. Nastupnymi miescami słužeńnia ŭ roznyja hady byli Uźmiony, Sabakincy, Kreva i Šarašova.
Adnačasova sa słužeńniem ajciec Pavieł pracavaŭ školnym inśpiektaram, jeździŭ pa inšych siołach, dzie kantaktavaŭ ź miascovymi prychadžanami i vioŭ zaniatki dla dziaciej u carkoŭna-prychodskaj škole.
Śviatar byŭ šmathrannaj asobaj i mieŭ šerah intaresaŭ. Jon zajmaŭsia pčalarstvam, pisaŭ abrazy i karciny, vyvučaŭ pryrodaznaŭčyja navuki.
Ajciec Pavieł sabraŭ vialikuju biblijateku, dostup da jakoj mieli ŭsie jaho prychadžanie. Adnak hałoŭnym jaho zachapleńniem była fatahrafija. Jon samastojna prajaŭlaŭ plonki i drukavaŭ fotazdymki. Pieršyja zdymki datujucca 1900-m hodam. Na praciahu paŭstahodździa jon fatahrafavaŭ ludziej i padziei, jakija adbyvajucca vakoł. Na jaho zdymkach adlustravanaja cełaja epocha, nasyčanaja histaryčnymi padziejami: revalucyi, vojny, akupacyi i inšaje.
Usiaho fotakalekcyja protaijereja Paŭła Vałynceviča ŭklučaje bolš za 300 zdymkaŭ.
Naviedvalniki ekspazicyi ŭ BDU zmohuć ubačyć bolš za 30 aličbavanych fatahrafij, zroblenych z aŭtentyčnych niehatyvaŭ aŭtara, a taksama adskanavanyja kopii aryhinalnych plonačnych zdymkaŭ ź siamiejnych albomaŭ. Na fotakartkach zafiksavana štodzionnaje žyćcio siamji ajca Paŭła i jaho prychadžan, vioski i miastečki, dzie jon słužyŭ, a taksama śviatočnyja hulańni biełarusaŭ, chrosnyja chady, uborka ŭradžaju, pryrodnyja piejzažy i inšaje.
Naviedać vystavu mohuć usie achvotnyja biaspłatna da 21 śniežnia.
-
Adnym ź pieršych «cybulizacyju» Biełarusi apisaŭ niamiecki zaołah. Uciokšy ad maskoŭskaha rabalepstva, jon adkryŭ tut inšuju cyvilizacyju
-
U Lidzie pad ścienami zavoda raskapali krypty z sarkafahami
-
Cichanoŭskaja padtrymała hramadskuju inicyjatyvu ŭstalavańnia bieł-čyrvona-biełaha ściaha na Hrunvaldskim poli
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2121
Kamientary