Kali ŭ Biełarusi pačnuć pradavać jołki da Novaha hoda i za kolki
Masavy handal navahodnimi jołkami i sosnami razhorniecca ŭ Biełarusi z 22 śniežnia, raspavioŭ padčas pres-kanfierencyi pieršy namieśnik ministra lasnoj haspadarki Alaksandr Drahun, piša «Zierkała».
Pry hetym u kožnym rehijonie vyznačany svaje daty adkryćcia jołačnych bazaraŭ. Naprykład, na Bieraściejščynie handal jołkami pačniecca 17 śniežnia, u Minskaj, Hrodzienskaj, Mahiloŭskaj i Viciebskaj abłaściach — z 20 śniežnia, u Homielskaj — z 22-23 śniežnia.
«U laśnictvach jołku da mietra možna budzie kupić ad 8 rubloŭ, da 2 m — ad 10 rubloŭ. Na jołačnych kirmašach košt budzie vyšejšy za košt vydatkaŭ na łahistyku i dastaŭku. Nabyć navahodniaje dreva ŭ kadcy možna budzie ad 20 rubloŭ», — raspavioŭ pieršy namieśnik ministra.
Jon taksama adznačyŭ, što za niezakonnuju rubku ŭ pryrodaachoŭnych, rekreacyjna-azdaraŭlenčych i achoŭnych lasach pahražaje štraf ad 5 da 30 bazavych vieličyń (ad 160 da 960 rubloŭ).
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary