Pra heta zajaviŭ ministr zamiežnych spraŭ Litvy Habryjelus Łandśbierhis.
«Spačatku heta byŭ śpis z 1500 čałaviek i kampanij, ciapier jon krychu zvuziŭsia. Hetyja prapanovy vyzvalili b z-pad sankcyj pryvatnyja srodki, kali b dziaržavy znajšli suviaź hetych srodkaŭ z charčovaj biaśpiekaj. Ciažka skazać, jak pryvatnyja srodki aliharchaŭ źviazanyja z charčovaj biaśpiekaj — my ŭzdymali hetaje pytańnie. My razumiejem i niepakoj partnioraŭ u Jeŭropie ŭ niekatorych kankretnych vypadkach», — skazaŭ Łandśbierhis.
Pa słovach Łandśbierhisa, Litva i Polšča spynili pryniaćcie dziaviataha pakieta, hetuju pazicyju padtrymlivajuć i inšyja krainy Bałtyi.
Premjer-ministr Litvy Inhryda Šymanicie, sa svajho boku, zajaviła, što Rasija sprabuje vykarystać naratyŭ pra toje, što sankcyi ES spyniajuć sielskahaspadarčuju vytvorčaść u krainach treciaha śvietu.
Kiraŭnica litoŭskaha ŭrada adznačyła, što kala 10 krain prapanujuć źmiakčyć sankcyi, ale nie nazvała, jakija mienavita.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary