«Uładam nie spadabalisia paviedamleńni, jakija asudžajuć režym Łukašenki»: u Minsku sudziać hramadzianina Łatvii
U Minskim haradskim sudzie 15 śniežnia praciahvajecca razhlad kryminalnaj spravy hramadzianina Łatvii Dźmitryja Michajłava (Dmitryjsa Michajłaŭsa), abvinavačanaha pa šerahu pratesnych artykułaŭ, paviedamlaje «Viasna».
Sudovy praces viadzie sudździa Śviatłana Čarapanava.
44-hadovaha hramadzianina Łatvii, jaki byŭ časova zarehistravany ŭ Minskaj vobłaści, abvinavačavajuć u zaklikach da mier abmiežavalnaha charaktaru, skiravanych na pryčynieńnie škody nacyjanalnaj biaśpiecy Biełarusi (č. 3 art. 361), u raspalvańni inšaj sacyjalnaj varožaści (č.2 art. 130), abrazie pradstaŭnika ŭłady (art. 369) i abrazie Łukašenki (č. 1 i č.2 art. 368).
Dźmitryjsa Michajłaŭsa zatrymali 1 sakavika 2022 hoda i da suda źmiaścili ŭ SIZA №1 u Minsku.
Viadoma taksama, što ŭ kastryčniku Dźmitryj Michajłaŭs byŭ uklučany ŭ «Śpis asob, datyčnych da terarystyčnaj dziejnaści».
Tam było paznačana, što Michajłaŭs prachodzić abvinavačanym pa dvuch artykułach Kryminalnaha kodeksa Biełarusi. Tam taksama było ŭkazana, što hramadzianin Łatvii byŭ časova zarehistravany ŭ Minskaj vobłaści.
«Ciapier zatrymany adzin hramadzianin Łatvii. Jaho telefon pravieryli, i ŭładam nie spadabalisia paviedamleńni, jakija asudžajuć režym Łukašenki. Jaho źmiaścili pad vartu, — paviedamiła parłamienckaja sakratarka MZS Łatvii Zanda Kałninia-Łukaševič. — Kali supracoŭniki konsulstva chutka prybyli na sustreču z zatrymanym, to jaho ŭžo nie zaśpieli, pakolki jaho na miesiac źmiaścili ŭ zakrytuju psichijatryčnuju balnicu dla praviadzieńnia ekśpiertyz».
Sudovy praces pačaŭsia 14 śniežnia.
-
Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
-
Zvarščyk z Oršy zahinuŭ na vajnie. Žonka dva hady biłasia za hrabavyja — i ŭsio ž vybiła ich
-
Uźbiek prylacieŭ pracavać u Biełaruś, ale nie znajšoŭ tut pracy. Viartaŭsia dadomu jon z dapamohaju dypłamataŭ i na mylicach
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku29
Kamientary