U Lidzie zahadčycu kramy asudzili za nieźnižeńnie cen na kaŭbasu
Supracoŭniki Lidskaha mižrajonnaha Kamiteta dziaržaŭnaha kantrolu vyjavili ŭ adnoj z kramaŭ horada zavyšeńnie cen na kaŭbasy. Zahadčyca handlovaha punkta była zatrymanaja, paviedamlaje «Lidskaja hazieta».
Za niekalki dzion da incydentu było vyjaŭlena, što ŭ niekatorych vidaŭ kaŭbasy zakančvajecca termin prydatnaści, i ich treba było pradać jak akcyjnyja, piša hazieta. Ale ŭ kramie ceny pakinuli raniejšymi.
Pra košt kaŭbas «Smačnaja», «Bałykovaja», «Buterbrodnaja», «Sierviełat francuzski» pakupnikoŭ infarmavali nieakcyjnyja ceńniki zamiest akcyjnych. U vyniku pakupnikoŭ abličyli na sumu nie mienš čym u 9 rubloŭ 35 kapiejek. A pa inšych kaŭbasnych vyrabach roźnica skłała 10 rubloŭ 77 kapiejek.
Była zaviedziena kryminalnaja sprava. Dziejańni zahadčycy kvalifikavanyja sudom pa č. 2 art. 426 KK jak naŭmysnaje ździajśnieńnie słužbovaj asobaj dziejańniaŭ, što vychodziać za miežy pravoŭ i paŭnamoctvaŭ, dazvolenych jamu pa słužbie, što paciahnuła pryčynieńnie istotnaj škody dziaržaŭnym i hramadskim intaresam (pieravyšeńnie ŭłady abo słužbovych paŭnamoctvaŭ), ździejśnienaje z karyślivaj zacikaŭlenaści.
U vyniku žančynie pryznačyli nastupnaje pakarańnie: dva hady, biez štrafu, z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, terminam na try hady. Adnak vykanańnie asnoŭnaha pakarańnia adterminavana na adzin hod.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary