Chłopiec z Tadžykistana schadziŭ u Maskvie na spatkańnie ź dziaŭčynaj. Vyjaviłasia, što heta byŭ padstaŭny restaran, i jamu vystavili rachunak 400 dalaraŭ.
32-hadovy chłopiec paznajomiŭsia ź dziaŭčynaj u internecie. Dziaŭčyna jamu spadabałasia, a hałoŭnaje, jamu zdałosia, što simpatyja była ŭzajemnaj. Jana sama naprasiłasia na sustreču: zaprasiła chłopca na ramantyčnaje spatkańnie ŭ kaviarni. U apošni dzień śviataŭ chłopiec sustreŭsia ź dziaŭčynaj, i jany pajšli na viačeru va ŭstanovu na Dźmitraŭskaj šašy, paviedamlaje telehram-kanał Baza.
Spačatku chłopca ničoha nie biantežyła: viečar u kampanii dziaŭčyny prajšoŭ nieprykmietna. Ździŭleńnie źjaviłasia na jaho tvary ŭžo ŭ kancy spatkańnia, kali aficyjant prynios rachunak za niekalki straŭ i napojaŭ. Akazałasia, što chłopiec razam ź siabroŭkaj pasiadzieŭ na 28 tysiač rasijskich rubloŭ (kala 400 dalaraŭ). U chłopca, viadoma, nie było takich hrošaj, i jon admoviŭsia płacić pa fantastyčnym rachunku, i tady aficyjant litaralna raźjušyŭsia.
Jon vychapiŭ telefon z ruk chłopca, dastaŭ pistalet, pierasmyknuŭ zatvor i nakiravaŭ stvoł chłopcu ŭ hałavu, patrabujučy apłacić rachunak. Chłopiec pazyčyŭ u znajomych hrošy i pieravioŭ častku sumy, adnak heta było nie ŭsio — i tady aficyjant prymusiŭ jaho napisać raśpisku na astatniuju sumu.
Sa «spatkańnia» chłopiec adrazu pajšoŭ u palicyju, a tam chutka vyśvietlili ŭładalnikaŭ padstaŭnoj kaviarni. Apieratyŭniki zatrymali troch čałaviek: taho samoha aficyjanta, dziaŭčynu i jašče adnaho padazravanaha, jaki ŭdzielničaŭ u padmanie chłopca.
Ich čakajuć kryminalnyja spravy za razboj i vymahańnie.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia4
Kamientary