Ministr abarony Rasii Siarhiej Šajhu abviaściŭ ab praviadzieńni šyrokamaštabnaj vajskovaj reformy z 2023 pa 2026 hod — vierahodna, u ramkach padrychtoŭki da zaciažnoj vajny va Ukrainie, a taksama dla zabieśpiačeńnia ŭmoŭ, jakija dazvalajuć chutka stvaryć značna bolš mocnuju rasijskuju armiju, piša ŭ svaim analityčnym ahladzie amierykanski Instytut vyvučeńnia vajny (ISW).
U pryvatnaści, Šajhu abviaściŭ, što Rasija adnović Maskoŭskuju i Leninhradskuju vajskovyja akruhi, sfarmuje novy armiejski korpus u Karelii, sfarmuje novyja samadastatkovyja hrupoŭki vojskaŭ na akupavanaj terytoryi Ukrainy i 12 novych manieŭranych dyvizij.
Hetyja i inšyja źmieny demanstrujuć namier Rasii refarmavać rasijskija Uzbrojenyja siły dla viadzieńnia bujnamaštabnych kanviencyjnych vajennych dziejańniaŭ u cełym, a nie tolki dla biahučaj vajny suprać Ukrainy, miarkuje ISW.
Niezrazumieła, ci zmohuć rasijskija Uzbrojenyja siły raści, jak apisaŭ Šajhu, ciaham troch hadoŭ. Naminalna Rasija moža farmavać novyja dyvizii, ale zastajecca niajasnym, ci zmoža jana ŭkamplektavać ich da daktrynalnaj kolkaści va ŭmovach vajny.
Raniej Šajhu ŭžo rabiŭ zajavy ab rasijskich vajskovych reformach, jakija tak i nie byli realizavany, nahadvaje ISW.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
V piati novieńkich sibirskich horodach užie stojat očieriedi u vojenkomatov.
Tam žie bieskoniečnyje, za horizont ciecha hromychajut i lazhajut, vydavaja v smienu po poł-tankovoj divizii.
Nie v smyśle poł tanka na diviziju, a kak połožieno, s REB rakietami i bieśpiłotnikami.
Skoro kak popriot jenta siliŝa!
Tolko nado potierpieť, miesiacok druhoj jeŝio prodieržaťsia. I tyŝ 300 jeŝio mobilizovať, a to tie, prošłyje, užie končajutsia.