«Sakretnaje amierykanskaje apytańnie». Pres-sakratar MZS zajaviŭ, što 70% biełarusaŭ chočuć, kab krainaj kiravaŭ Łukašenka
Učora pres-sakratar MZS Anatol Hłaz pachvaliŭsia: zhodna z apytańniem amierykanskaha instytuta, «71% biełarusaŭ davieryŭ by kiravańnie krainaj dziejnaj uładzie, i tolki 7% — apazicyi». Ale adkul hetaja infarmacyja?
U dopisie Hłaz kaža pra «niadaŭniaje apytańnie, praviedzienaje Mižnarodnym respublikanskim instytutam».
Na sajcie Mižnarodnaha respublikanskaha instytuta, jaki bazirujecca ŭ ZŠA, ničoha padobnaha niama.
Zhadka pra takoje apytańnie źjaŭlałasia na telekanale «Biełaruś-1». U siužecie ad 3 listapada 2022 hoda śćviardžałasia, što byccam by prapahandysty zdoleli atrymać «zakrytaje daśledavańnie, praviedzienaje na zamovu Mižnarodnaha respublikanskaha instytuta». Niepasrednym vykanaŭcam nazyvajuć Instytut Hełapa, jaki śpiecyjalizujecca na sacapytańniach.
«Jość svaje mižnarodnyja kanały», — tłumačać na BT, jak atrymali vyniki.
Hetaje apytańnie byccam by pakazała, što tolki 1% ludziej daviaraje Cichanoŭskaj, a bolš za 70% ludziej davieryli b kiravańnie Biełaruśsiu dziejnaj uładzie. Taksama siarod najpapularniejšych kiraŭnikoŭ zamiežža nazyvajucca Pucin i Si Czińpin, jakija byccam nabrali pa 30%, a zachodnich lidaraŭ — Šolca, Dudu, Makrona — adznačyli pa 1% apytanych i mienš.
Ale jość niuans: u siužecie prapahandystka Anastasija Bieniedzisiuk nie pakazvaje samo daśledvańnie. Betešniki prosta na słovach śćviardžajuć, što niejkaje daśledavańnie isnuje.
«Naša Niva» — bastyjon biełaruščyny
PADTRYMAĆRaniej chacieła žyć va Ukrainie — ciapier raskazvaje, što tam nacysty. Chto takaja Anastasija Bieniedzisiuk, novy tvar prapahandy
-
Brytanija 25 hadoŭ nie moža departavać biełarusa — toj chłusić biełaruskim uładam, što jon nie svoj. I jany nie zabirajuć jaho dadomu
-
Vyvučyŭ vosiem movaŭ, ažaniŭsia i staŭ doktaram u Barysavie — historyja miedyka z Turkmienistana
-
Ministr abarony Litvy pra list Zialenskaha: Naiŭna čakać, što Pucin prosta voźmie i adstupić
Kamientary