Najmahutniejšaja haspadarka Mahiloŭskaha rajona AAT «Novaja Druć» zaarała kala vioski Volnica pole ź niavykapanaj bulbaj.
Najmahutniejšaja haspadarka Mahiloŭskaha rajona AAT «Novaja Druć» zaarała kala vioski Volnica pole ź niavykapanaj bulbaj.
Na svaje vočy bačyŭ, jak mahutnyja MTZ zavorvali pole ź niavykapanaj bulbaj. Praŭda, z druhoha boku paletka pracavaŭ traktar z kultyvataram, a ludzi, jakija napierad daznalisia pra toje, što tut budzie, źbirali bulbu ŭ košyki i viodry. Siarod ich byli jak miascovyja žychary, tak i tyja haradžanie, što pryjechali pa raznaradcy ad słužby zaniataści, jakuju ŭ narodzie zavuć «biržaj». Pracavali jany niadoŭha. A traktary z płuhami praciahvali pracavać na ŭčastku ź niekranutymi baroznami, ciapier užo adkryta zakopvajučy ŭ ziamlu vyraščany ŭradžaj bulby, jakaja sioleta ledź nie ŭ deficycie.
Žychary navakolnych viosak byli litaralna šakiravany takim raźvićciom padziej. Pa słovach Alaksandra, žychara vioski Volnica, paśla bulbaŭboračnych kambajnaŭ padbirać bulbu dazvolili ŭsiaho paru dzion:
«Pierad hetym amal tydzień achoŭniki haspadarki prahaniali ludziej ad pola, dzie traktary zavorvali ŭradžaj.A na maim ułasnym poli bulba z‑za daždžoŭ prapała. Ci možna było mnie dyj maim adnasialčanam spakojna hladzieć na zakopvańnie bulby?! Dy ludzi b ź vialikaj achvotaj vykapali b vyraščanaje ŭłasnymi rukami, a tak…».
Adnak administracyja «Novaj Druci» čamuści vyrašyła, što lepš zakapać uradžaj u ziamlu.
Ludzi hadajuć: ci rabiłasia heta dziela spravazdačy ab tym, što ŭborka zavieršana, ci tamu, kab ludzi nabyvali bulbu ŭ saŭhasnaj kramie, dzie jana kaštuje niamała?
Abo jašče pa jakoj pryčynie? Znajści razumny adkaz, sapraŭdy, nie tak i lohka.]
Kamientary