U forumie hramadzianskaj supolnaści, što prajšoŭ u Bruseli (Bielhija) 16—17 listapada, udzielničali 25 delehataŭ ź Biełarusi. Najbolšym dasiahnieńniem biełaruskija udzielniki ličać farmavańnie pastajannych orhanaŭ kiravańnia i strukturaŭ forumu.
«Biełaruskaja delehacyja prapanavała kaleham ź inšych krainaŭ zasnavać Forum hramadzianskaj supolnaści nie jak adnarazovaje mierapryjemstva, a jak pastajanny miechanizm upłyvu na Uschodniaje partniorstva. I našu pazicyju padtrymali», ‑‑ paviedamiŭ pradstaŭnik Asamblei NDA Siarhiej Mackievič.
Siarhiej Mackievič byŭ abrany ŭ kiraŭničuju radu Foruma delehatami hramadzianskaj supolnaści krainaŭ «Uschodniaha partniorstva». Druhi biełaruski ŭdzielnik, siabra hramadzkaha abjadnańnia Centr «Post» Uład Vialička, uvajšoŭ u kiraŭničuju radu Foruma jak pradstaŭnik nacyjanalnaj delehacyi.
Vyniki forumu hramadzianskaj supolnaści buduć pradstaŭlena na śniežańskim pasiedžańni Rady Ministraŭ JEZ u Stakholmie. Mienavita tam buduć abmierkavany rekamiendacyi i dakumienty, pryniatyja 16—17 listapada. Siarod ich buduć i balučyja dla Biełarusi pytańni vyzvaleńnia palitviaźniaŭ, admiena vizavaha režymu i uviadzieńnie biaspłatnych vizaŭ šmatrazovaha karystańnia dla krainaŭ Uschodniaha partniorstva, patrabavańnie raźvićcia samakiravańnia, prablemy z pravami čałavieka, i mnohija inšyja.
Adnak nie treba čakać, što voś adrazu i vyrašacca ŭsie prablemy biełaruskaha hramadstva. Prosta adbyŭsia jašče adzin krok da dyjałohu ź Jeŭropaj, časam biurakratyčnaha i farmalnaha. I ŭ hetym dyjałohu budzie hučać taksama i hołas pradstaŭnikoŭ ź biełaruskaj hramadzianskaj supolnaści
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary