Nakiravali ŭ sud kryminalnuju spravu ab nibyta napadzie na supracoŭnikaŭ pasolstva Biełarusi ŭ Łondanie
Hienieralnaja prakuratura nakiravała ŭ sud kryminalnuju spravu ab nibyta napadzie na supracoŭnikaŭ pasolstva Biełarusi ŭ Vialikabrytanii. Zroblena heta, jak pieradaje BiełTA, u paradku śpiecvytvorčaści, to-bok sudzić abvinavačvanych buduć zavočna.
Pa spravie abvinavačvajuć čatyroch hramadzian Biełarusi, jakija, pa viersii prakuratury, znachodziačysia ŭ stanie ałkaholnaha apjanieńnia, raźmiaścili ŭ Łondanie la ŭvachoda ŭ budynak pasolstva Biełarusi ŭ Vialikabrytanii instalacyju abraźlivaha charaktaru, paśla čaho zakidali kurynymi jajkami fasad budynka. Heta zdaryłasia 19 śniežnia 2021 hoda.
Taksama śćviardžajecca, što abvinavačvanyja nibyta dačakalisia, kali da ambasady pryjechali troje jaje supracoŭnikaŭ, i, maŭlaŭ, słovami abrazili ich i ŭžyli fizičny hvałt. Paśla taho adzin ź fihurantaŭ zapisaŭ videa, kab potym raźmiaścić jaho ŭ internecie.
U Hienprakuratury dadali, što ciapier nakładzieny aryšt na majomaść abvinavačvanych, jakaja znachodzicca na terytoryi Biełarusi. Ahulny jaje košt — 73,5 tysiačy biełaruskich rubloŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary