U Minsku zdajuć nieisnujučyja kvatery: prosiać pieradapłatu i kidajuć na hrošy
Pierad pačatkam navučalnaha hoda aktyvizavalisia ašukancy, jakija ŭ sacyjalnych sietkach zdajuć inšaharodnim nieisnujučyja kvatery.
Tolki za miesiac u staličnyja RUUS źviarnulisia 24 zajaŭniki, jakich pry arendzie žylla padmanuli afierysty, paviedamlaje kanał «Milicyja Minska».
Tak, žančyna, jakaja źviarnułasia z zajavaj u Zavodskaje RUUS, raspaviała, što na adnoj z anłajn-placovak znajšła prapanovu ab arendzie kvatery. Źviazałasia ź dziaŭčynaj, jakaja zdavała žyllo, i taja paviedamiła ab nieabchodnaści ŭnieści pieradapłatu. Žančyna pieraviała 150 rubloŭ.
Praź dzień arendadaŭca zapatrabavała ŭnieści astatniuju sumu, spasyłajučysia na toje, što majucca inšyja achvotniki źniać kvateru.
Žančyna zrazumieła, što stała achviaraj afierystaŭ, i źviarnułasia ŭ milicyju. Zaviedziena kryminalnaja sprava za machlarstva.
Kab nie trapić na chitryki machlaroŭ pry arendzie žylla, rajać prytrymlivacca nastupnych praviłaŭ:
— zaŭsiody praviarajcie dakumienty na kvateru, prasicie ŭłaśnika pakazać pašpart;
— kali ŭłaśnik žylla pakazvaje kopii dakumientaŭ, patrabujcie pahladzieć aryhinały;
— nie płacicie biez zaklučeńnia dahavora arendy;
— prapisvajcie ŭ damovie pieradaču avansavaha płaciažu, umovy jaho viartańnia, biarycie raśpisku ab vypłacie takoha.
-
Biełaruska aburyłasia koštam arendy kvatery ŭ Baranavičach i paskardziłasia ŭ Pałatu pradstaŭnikoŭ
-
Damy «Minsk-Śviet» znoŭ zaliło: vada strumieniami padała sa stoli, vybiła lampy
-
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
Kamientary