Maładziečanka pajšła ŭ kramu, a jaje ledź nie zabiła kamieniem z dachu
Zvyčajny pachod u kramu moh drenna skončycca dla Iny.
Žycharka Maładziečna pajšła ŭ budynak byłoha Doma bytu na Budaŭnikoŭ, na druhim paviersie jakoha raźmieščanyja Fix Price i «Moda Maks». Padniaŭšysia pa leśvicy, na jakoj nie było parenčaŭ, Ina ledź nie złaviła hałavoj kamień, jaki ŭpaŭ źvierchu. Paśla hetaha jana zaŭvažyła: stoli tam naohuł niama, piša Kraj.by.
«Z adsutnaściu parenčaŭ jašče možna mirycca, a voś kali kamiani źvierchu laciać na hałavu, heta ž prosta kaniec», — aburajecca žančyna.
Ułaśnik pamiaškańnia — zavod «Rembyttechnika», ale na pradpryjemstvie tłumačać, što nie vałodajuć usim budynkam, a tamu nie mohuć prymać rašeńnie ab ramoncie adnaasobna. Heta pavinna zrabić tavarystva ŭłaśnikaŭ.
«Dzirku ŭ stoli, pra jakuju vy kažacie, viadoma, zakryjuć. Nakolki ja viedaju, heta źbiralisia zrabić jašče viasnoj, ale niešta tam nie atrymałasia. Nie skažu, što heta zdarycca prosta zaŭtra, ale dumaju, što ciaham miesiaca prablema budzie vyrašanaja», — raspavioŭ Kraj.by pradstaŭnik arendadaŭcy.
Kamientary