«Vysakarodnaje zołata». Jak aformiać vulicy i płoščy Minska da Dnia narodnaha adzinstva
Jak upryhožać stalicu da 17 vieraśnia, jakoje ŭłady abaznačyli jak Dzień narodnaha adzinstva, «Minsk-Navinam» raspaviała načalnica adździeła dyzajnu «Minskrekłamy» Taćciana Buharkova.
Pavodle dyzajnierki, u hetym hodzie ŭ jakaści asnoŭnaha fonu hrafiki było abrana «ŭračystaje i vysakarodnaje zołata, jakoje simvalizuje rost dabrabytu, roskvit i biaśpieku». Akramia taho, prysutničajuć aficyjnyja čyrvona-zialonyja kolery. U afarmleńnie dadaduć abrysy kvietak kaniušyny, lonu, pšaničnyja kałasy.
«Dapoŭnić cełasnaść karcinki siłuet busła, što lacić» — simvała stałaści, vysakarodnaści, miru i dabra«, tłumačać zadumu dyzajniery.
Da 17 vieraśnia aformiać usie asnoŭnyja łakacyi Minska.
— Budynak piedahahičnaha ŭniviersiteta imia Maksima Tanka tradycyjna ŭpryhožyć 40-mietrovaje pano. Abjomnyja mastackija kanstrukcyi buduć ustanoŭleny la steły «Minsk — horad-hieroj», habarytnaja instalacyja ŭ formie 9-mietrovaha konturu krainy zjavicca la «Minsk-Areny». Na Kastryčnickaj płoščy raźmieścicca 12-mietrovaja impravizavanaja tematyčnaja steła, na płoščy Niezaležnaści raźmieścicca śvietłavaja kanstrukcyja «Salut», — udakładniła surazmoŭca. — Maštabnaj kampazicyjaj aformim placoŭku la budynka Nacyjanalnaha vystavačnaha centra «Biełekspa». Kałony haradskoj ratušy taksama nabuduć uračystaje abličča. Hałoŭnyja praśpiekty buduć vitać minčan i haściej stalicy śviatočnymi piłonami, a haradskija vulicy ŭpryhožać tematyčnyja baniery, — skazała Buharkova.
Kamientary